سەرنووچە:

دەزگەهێ لوتکە: ١٠ کۆچبەرێن کورد ژ ئالیێ پۆلیسێن کرواتیا هاتنە ئەشکەنجەدان

فۆتۆ: 
2020-11-23

644 جار خوێندراوەتەوە

دەزگەهێ لوتکە راگەهاند، ١٠ کۆچبەرێن کورد کو چەند جاران بزاڤا گەهشتنێ بو ئەلمانیا کریە ، روبڕوی لێدان و ئەشکەنجە دانێ بوون ژ ئالیێ پۆلیسێن کرواتیا و سەیێ پۆلیسان بەردایێ ژنەک و کەلوپەل و مۆبایل و پارە لێستاندینە ژ بۆ تۆمارنەکرنا چ بەڵگەیان ژ ئالیێ کۆچبەران.

دەزگەهێ لوتکە بۆ کاروبارێن ئاوارە و پەنابەران راگەهاند، ١٠ کۆچبەر ل دەما بزاڤکرین بۆ گەهشتن ب وڵاتێ ئەڵمانیا، ژ ئالیێ پۆلیسێن کرواتیا روبڕوی لێدان و ئەشکەنجەدانێ بووینە و پۆلیسێن وی وڵاتی ( سە ) بەرداینێ ژنەک، دبێژیت، "کەلوپەل و مۆبایل و پارە لێستاندینە، بمەبەستا وێ یەکێ چ بەڵگە نەهێنە تۆمارکرن."

د ڤی باریدا، یەک ل کۆچبەران ب دەزگەهێ لوتکە راگەهاندیە، کو ل پایتەختێ بۆسنە رونشتینە و لسەر ئەرکێ خۆ نان و جهێ مانەڤێ دابین دکەن ل هۆتێلێن وی وڵاتی، گۆت ژی، کو ژ بەر وەرزێ سەرماویێ ساخلەمیا زۆر ژ وان نەجێهگیرە.

وی کۆچبەری دیار ژی کر ، کو ئەو نزانن پشتی گرتین برینە بۆ کێ زیندانا وڵاتێ کرواتیا، لێ ل وێرێ ئەشکەنجە داینە و ل درەنگیا شەڤێ دا ل چیایەکێ بۆسنە جههێلاینە و هەشت دەمژمێران بێی هیچ ئامیرەکێ زیرەک ب پێیان چۆینە.

بەحسا وێ یەکێ ژی کر، ژمارا وان ١٠ کەسن و د ناڤدا ئافرەتەک و زارۆیەک د گەلدانە و تەمەنێ وان ب گشتی د ناڤبەرا ١٦-٤٥ ساڵان دایە، هندەکان ژی نەخۆشیێن درێژخایەن هەنە، هەر ب گۆتنا وی کۆچبەری، "پۆلیسێن کرواتیا پەنجەمۆر و ئیمزا یان ب کۆچبەران دکەن و وەسا تێدگەهینن ، کو تنێ بۆ پۆلیسانە لێ پەنجەمۆر بۆ تۆمارکرنا وانە ل کەمپان، سەرەڕای کو پشترا دیپۆرتی بۆسنە دکەن و د وێ ناڤبەینێ دا ئەو وڵات پارێ زێدەە ل یەکێتیا ئەوروپا وەردگرن."

غ.ت