سەرنووچە:

ملیۆن دۆڵار ژ کەمپینێن هەڵبژارتنێن ترەمپی هاتنە دزین

فۆتۆ: 
2020-10-29

188 جار خوێندراوەتەوە

بەرپرسێن کۆماری ل ویلایەتا ویسکۆنسنا ئەمریکا ڕاگەهاند، ل ٢٢ یێ ڤێ مەهی بڕێ دوو ملیۆن و ٣٠٠ هزار دۆلار ل هەژمارا بانکا کەمپینا هەلبژارتنێن ترەمپی دزین، هەڤدەم، د نهادا ئێف بی ئای مژیلی ڤەکۆلینانە دەربارەی بوویەرێ.

ماڵپەڕێ ئیندیپێندێنتا بەریتانی بەلاڤکرییە، بەرپرسێن کۆماری ل ویلایەتێن ویسکۆنسنا ئەمریکا ڕاگەهاند یە، ل ٢٢ یێ ڤێ مەهی دا هندەک چالاکێن گۆمانلێکری تێبینیکرینە ل وێ هەژمارا بانکێ کو هاریکاریا هەلبژارتنێن دۆنالد ترەمپی سەروکێ نهایێ وی وەلاتی و کاندیدێن کۆماری کرینە، هەڤدەم ویسکۆنسن ئێکە ژ ویلایەتێن یەکلاکەر بۆ هەلبژارتنێن ئەڤ سالە و هەلبژارتنێن سالا ٢٠١٦ ێ ژی دا ترەمپی ئەو ویلایەت برەڤە.

ئاماژە ب وێ یەکێ ژی کر، هاککەر کارینە بچنە ناڤ وی مالپەری و پێزانینا لدۆر بانک و پاران پەیدا بکەن و مفای لێ وەربگرن، ب جۆرەکی کو هەست پێ نەکرییە هەیا حەفتیا دەرباز بووی، هاککەر کارینە دوو ملیۆن و ٣٠٠ هزار دۆلاران ب دزن ل هەژمارا کەمپینا ترەمپی ل ویسکۆنسن.

گۆت ژی، د نها دا ئێف بی ئای مژیلی ڤەدیتنا وان هاککەرا یە و بۆ ڤێ ژی ڤەکۆلین دەست پێکرینە.

ئەڤە د دەمەکی دایە، کو هەلبژارتنێن ئەمریکا ل سێ یێ مژدارا ٢٠٢٠ێ دێ ب ڕێڤەچن، هەڤدەم، هەلبژارتنێن بەروەخت یێن دەست پێکرین و هەیا نها زێدەتری ٧٨ ملیۆن کەسان دەنگ دایە.