سەرنووچە:

ژبلی سەرۆکایەتیا ئەمریکا هەلبژارتنەکا دی ژی ل وی وەلاتی ب رێڤە دچیت

فۆتۆ: 
2020-10-29

143 جار خوێندراوەتەوە

د هەلبژارتنێن گشتی یێن ئەمریکا دا ل سالا ٢٠٢٠ێ، سەرنجێن وان ب شێوەیەکێ گشتی لسەر جۆبایدن و دۆنالد ترەمپی نە، لێ ب سەدان کەسێن دی ژی بۆ ب دەستڤەئینانا کورسی یێن جڤاتا نوێنەرێن وی وەلاتی د هەڤرکیێ دانە.

د هەلبژارتێن ئەڤ سالە یێن ئەمریکا دا، ژبلی هەلبژارتنێن سەرۆکی و جێگرێ وی  ئەندامێن جڤاتا نوێنەران ژی دێ هەلبژێرن، کو هەژمارا وان ٤٣٥ ئەندامن و بۆ ماوێ دوو سالان دێ لسەر پۆستێ خۆ د بەردەوام بن، دەنگدەر د هندەک ویلایەتان دا دێ سیناتۆرێن جڤاتا پیران هەلبژێرن، کو هەژمارا وان ٣٣ سیناتۆرن و هەر ئێک ژوان بۆ ماوێ شەش سالان دێ د پۆستێ خۆ دامینن.

دگەل وێژی دا، زۆربەیا خەلکێ ئەمریکا ب تنێ د دەمەکی دا گرنگیێ ب هەلبژارتنان ددەن کو دەنگدانێن سەرۆکایەتیێ بن، ژبەرکو تەرکیزا هەڤرکێن دی  لسەر هەڤرکێن سەرۆکایەتیێ نە، گرنگیا خۆ ژ دەست ددەن یان کێمتر دبنەڤە.

هەلبژارتنێن سەرۆکایەتیا ئەمریکا ب رێیا دەنگدانێن راستەوخۆ یێن وەلاتیێن وی وەلاتی ناهێتە هەلبژارتن، بەلکو وەلاتی دەنگی دێ دەنە سیناتۆر و نوێنەرێن خۆ ل دەڤەرێن خۆ و لدیف دا ب دەنگێ وان دێ سەرۆکی هەلبژێرن.

وەسا بریارە ٣ێ یێ مژدارا ئەڤ سالە هەلبژارتنێن سەرۆکایەتیا ئەمریکا برێڤە بچن، وەلاتیێن وی وەلاتی دێ سەرۆکێ خۆیێ ٤٦ ێ هەلبژێرن.