سەرنووچە:

پارتی بەرسڤا پەکەکێ دا

فۆتۆ: 
2020-10-27

2688 جار خوێندراوەتەوە

مەحمود محەمەد پەیڤدارێ پارتا دیموکراتا کوردستانێ ڕاگەهاند،" جهێ داخێیە کو د گەلەک ڕەوشێن هەستیاردا پەکەکە ب داخویایێن بەرپرس و کریارێن خۆ بووینە سەرئێشە  بۆ خەلک و سازیێن هەرێما کوردستانێ  کو بەرهەمێ خەبات و قوربانیدانا دەهان سالێن گەلێ کوردستانێ یە".

مەحمود محەمەد پەیڤدارێ پارتی دیموکراتی کوردستان ڕاگەهاندنە ک بەڵاڤکرییە و تێدا گۆتییە، "زۆر جهێ داخێ یە کو د زۆر بارودۆخێن هەستیار دا پەکەکە د داخویانیا بەرپرس و کردەوان بوویە جهێ سەر ئێشێ بۆ خەلکێ کوردستانێ و دام و دەزگەهێن کوردستانێ کو بەرهەمێ خەبات و قوربانی دانا دەهان سالێن گەلێ کوردستانێ یە."

ئەو ژی دیارکر، "د داوی داخویانیێن خۆ ژیدا نەفەسا گەفکرنێ و خواستا دروستکرنا ئالۆزیان و تێکدانا ئەولەهیێ و بەروڤاژیکرنا راستیان ب ئاشکرا دیارە، ئەڤ جۆرێ ڕەفتارێن پەکەکێ تشتەکێ تازە نینە و د راستیدا وان ب کارێن نەیاسایی و گۆمانلێکری  بوونە گەف لسەر ژیانا خەلکێ کوردستانێ، چەندین سالن ب سەرانە وەرگرتن و داگیرکرنا مال و ملکێ خەلکی، رێ ل ئاڤەدانکرنا سەدان گوند و ڤەگەریانا خەلکێ سڤیل بۆ دەڤەرێن وان گرتییە و گۆرەپانا شەڕی و ململانێ ڤەگوهاستییە ناڤ هەرێما کوردستانێ و رۆژانە وەلاتیێن هەرێمێ باجا مرۆڤی و ماددی یا ڕەفتارێن پەکەکێ ددەن، کارمەندێن حکومەتا هەرێما کوردستانێ شەهید دکەن هێشتاش وەسا دزانن ئەو گەفکەر نینە و هەرێما کوردستانێ دپارێزن."

بەحسا وێیەکێ ژی کر،"پەکەکە ب ئاشکرا کەتیە د ململانێ دا دگەل هەرێمێ و مەترسیێ لسەر ژیان و بەرژەوەندیێن هەرێما کوردستانێ دروست دکەت،  لهەر جهەکێ کورد لێ بن بلەز خۆ ب خودان مال دزانن و کوردا ژێ ب مێهڤان."

دایەزانین ژی، "د بەرسڤا گۆتنێن خۆدا دبێژیت مە باوەریا تەمام ب چارەسەریا ئەولەهیا دۆزا ڕەوایا گەلێ کورد و تەبایی دناڤبەرا ئالیان دا هەیە، داخویانی و کردارێن وان زەرەرێن زۆر بۆ هەرێما کوردستانێ هەبووینە  و بۆ رێگریکرن ل تێکچۆنا زێدەترا ڕەوشا دەڤەرێ داخاز دکەن ئێدی ئاریشەیێن خۆ و خەلکێ دی نە ئینە ناڤ هەرێما کوردستانێ."