سەرنووچە:

ئەوقافا هەرێمێ دەربارەی گەشتا عەمرێ زەلالکرن دا

فۆتۆ: 
2020-10-22

325 جار خوێندراوەتەوە

پەیڤدارێ وەزارەتا ئەوقاف و کاروبارێن ئاینی راگەهاند، د نها دا چ بڕیارەکا نوو نینە دەربارەی دەستپێکرنا گەشتێن عەمرێ ل هەرێما کوردستانێ.

نەبەز ئیسماعیل پەیڤدارێ وەزارەتا ئەوقاف و کاروبارێن ئاینی بۆ ئێن ئاڕ تی ڕاگەهاند، د نها دا وەزارەتا ئەوقافێ چ بڕیارەکا نوو نەدایە دەربارەی دەستپێکرنا گەشتێن عەمرێ و چاڤەڕێی ولاتێ سعودیێ نە، کو بڕیارە ڕۆژا ١ێ مەها داهاتی لسەر بڕێڤەچوونا عەمرێ و چوونا عەمرەکاران بۆ وی ولاتی بڕیارێن نوو دەربکەت.

دازانین ژی، پشتی بڕیارێن سعودیێ، دێ وەزارەتا ئەوقافێ دگەل لیژنەیا بەرهەنگاربوونا کۆرۆنایێ جڤیت و بڕیارا پێدڤی و ڕێنمایان بۆ عەمرەکارێن هەرێمێ دەرکەت.

پشتی زێدەتری ٧ مەهان ژ بەلاڤبوونا ڤایرۆسێ کۆرۆنایێ، ڕۆژا ٤ێ ڤێ مەهێ، یەکەم کاروانێ عەمرەکارێن سعودیێ دەست ب ئەنجامدانا مەراسیما عەمرێ کرن.

س.م