سەرنووچە:

بسەدەما بوویەرەکا هاتن و چوونێ ل شێخان کەسەکێ ژیانا خۆ ژدەستدا

فۆتۆ: 
2020-10-22

305 جار خوێندراوەتەوە

هاتن و چوونا دهۆکێ ڕاگەهاند، د بوویەرەکا هاتن و چوونێ دا ل سنورێ قەزا شێخان یا گرێدایی پارێزگەها دهۆکێ، تڕۆمبێلەکێ ل کەسەکێ دا و د ئەنجامێ دا وی کەسی ژیانا خۆ ژدەستدا.

ئازاد تاها پەیڤدارێ هاتن و چوونا دهۆکێ بۆ ئێن ئاڕ تی ڕاگەهاند، ئێڤاریا ئەڤرۆ پێنجشەمبیێ ٢٢ێ جۆتمەها ٢٠٢٠ێ ل دووریانا قەزا شێخان بوویەرەکا هاتن و چوونێ ڕوودایە، کو تێدا تڕۆمبێلەکێ خۆ ل کەسەکێ دایە و ب وێ سەدەمێ ژی وی کەسی دەملدەست ژیانا خۆ ژدەستدایە.

دیارکر ژی، شۆفێرێ تڕۆمبێلا کو بوویەر کری ڕەڤیایە، هەر پشتی هایدارکرنێ پۆلیسێن هاتن و چوونێ گەهشتینە وی جهی و دەست ب ڤەکۆلینێ کرینە.

لگۆری ئاماراێن هاتن و چوونا هەرێمێ، ل سالا ٢٠١٩ێ زێدەتری چار هزار و ٤٠٠ بوویەرێن هاتن و چوونێ ل هەرێمێ رووداینە و ب وێ سەدەمێ ٥٧٥ کەسان ژیانا خۆ ژدەستداینە و شەش هزار و ٨٠٠ کەس ژی بریندار بوون.

س.م