سەرنووچە:

پۆلیسێن دهۆکێ دەربارەی دەستەسەرکرنا ڕۆژنامەڤان و چالاکڤانێن ئەڤرۆ ڕاگەهاندنەک بەلاڤکر

فۆتۆ: 
2020-10-22

2813 جار خوێندراوەتەوە

پۆلیسێن دهۆکێ دەربارەی دەستەسەرکرنا ڕۆژنامەڤان و چالاکڤانێن ئەڤرۆ ڕاگەهاند، ئەوا هاتیە گوتن کو بێرێزی ب "تۆهمەتباران" هاتیەکرن و بسەر ماڵا وان دا گرتینە، دوورە ژ راستیێ، دبێژن ژی، "هندەك کەس و ئالیێن تێکدەر بزاڤا تێکدانا رەوشا ئاراما پارێزگەها دهۆکێ دکەن".

پۆلیسێن دهۆکێ د ڕاگەهاندنا خۆ دا دیارکریە، "ئەڤرۆ رێکەفتی 22/10/2020ێ دەنگویێ دەستەسەرکرنا چەند تۆهمەتباران ل تورێن جڤاکی و هندەک کەنالان هاتیە راگەهاندن، ب مخابنی ڤە رادگەهینین دوویر ژ ئەتەکێتێن کارێ رۆژنامەڤانی و بێ بەرپرسیارانە گوتنێن کێم و زێدە هاتینە کرن و ل گەلەک پەیج و کەنالان هاتیە گوتن کو بێرێزی ب تۆهمەتباران هاتیەکرن و بسەر ماڵا وان دا گرتینە".

دایەزانین ژی، "کو ئەم وەکو رێڤەبەریا پولیسێن پارێزگەها دهۆکێ ڤی نووچەی رەتدکەین و ب چ رەنگەکی ئەڤا هاتیە گوتن نەڕوودایە و دوورە ژ راستیێ، هندەك کەس و لایەنێن تێکدەر بزاڤا تێکدانا رەوشا ئاراما پارێزگەها دهۆکێ دکەن و بۆ شێواندن و ڤەشارتنا راستیان ڤان نووچەیێن بێ بنەما بەلاڤ دکەن".

بەحسا وێ یەکێ ژی کریە، "یا راست دەربارەی ڤی بابەتێ ئەڤرۆ، فەرمانا گرتنێ ژلایێ دادوەری ڤە و ل دویڤ بەندێ (۲۲۱ ژیاسایێن سزای) بۆ چەند تۆهمەتباران ل دهۆکێ دەرچوویە و پۆلیس و دەزگەهێن دی یێن ئەولەهیێ دبن سەرپەرشتیا رێڤەبەرێ پولیسان عمید شعلان ئەحمەد وەکو هەر فەرمانەکا دی یا گرتنێ کارێ خۆ جێبەجێکریە و بابەت گەلەکێ سروشتی یە".

هەروەسا گوتیە، "بۆ وەلاتیێن هێژا دیار دکەین کو بێرێزی ب چ رەنگەکی ب تۆهمەتباران نەهاتیەکرن و ئەو کەسێن هاتینە گرتن ب رێزگرتن و لدیف یاسایێ هاتینە رەوانەکرن بۆ دادگەهێ و ب جوانترین شێوە سەرەدەری دگەل هاتیەکرن".

س.م