سەرنووچە:

ساخلەمیا عێراقێ ئامارا ٢٤ دەمژمێرێن توشبوویێن کۆرۆنایێ راگەهاند

فۆتۆ: 
2020-10-22

107 جار خوێندراوەتەوە

وەزارەتا ساخلەمیا عێراقێ راگەھاند، د ٢٤ دەمژمێرێن دەربازبووی دا دوو هزار ٥٩٢ حالەتێن توشبوون ب کۆرۆنایێ، دوو ھزار و ٥٧٠ حالەتێن چێبوونەڤە و ٣٠ حالەتێن ژیان ژدەستدانێ ھاتنە تومارکرن.

ئەڤرۆ پێنجشەمبێ، وەزارەتا ژینگەھـ و ساخلەمیا عێراقێ راگەھاند، د ٢٤ دەمژمێرێن دەربازبووی دا، دوو هزارو ٥٩٢ حالەتێن نوویێن توشبوون ب کۆرۆنایێ ھاتنە تۆمارکرن، ب ئاوایەکێ هزار و ٦٨ حالەت ل بەغدایا پایتەخت بووینە.

دازانین ژی، د وی دەمێ دیارکری دا ٣٠ کەسان ژی ب ڤایرۆسێ کۆرۆنایێ ژیانا خۆ ژدەست دایە.

بەحس ژی کر، دوو هزار و ٥٧٠ توشبوویێن دی ژی ب تەمامی چێبووینەڤە، کو ٩٨٦ کەس ل بەغدانە.

لدیف داوی ئامار، ھەیا نھا ٤٤٢ هزار و ١٦٤ کەس ل عێراقێ توشی ڤایرۆسێ کۆرۆنایێ بووینە، ژ وێ ھەژمارێ ١٠ ھزار و ٤٦٥ کەسان ژیانا خۆ ژدەست داینە، ٣٧١ هزار و ٨٢٦ کەس ژی ژ نەخوشیێ چێبووینەڤە.

س.م