سەرنووچە:

پێنج چەکدارێن داعش ل کەرکوکێ هاتنە دەستەسەرکرن

فۆتۆ: 
2020-10-22

541 جار خوێندراوەتەوە

وەزارەتا ناڤخۆیا عێراقێ ڕاگەهاند، هێزێن رێڤەبەریا پۆلیسێن کەرکوکێ پێنج چەکدارێن داعشێ دەستەسەرکرن.

وەزارەتا ناڤخۆیا عێراقێ  د ڕاگەهاندنەکێ دا بەلاڤکرییە، ل دیف رێنمایێن وەزیرێ ناڤخۆ و بریکارێ کاروبارێن پۆلیسان، گرۆپەکێ پێنج کەسی کو چەکدارێن داعشێ بوون کو سەر ب ویلایەتا دیجلەیا وێ رێکخراوێ بوون ل کەرکوکێ دەستەسەرکرن.

ئاماژە ب وێژی کر، ئەوێن دەستەسەرکرین ئێک ژوان رابوییە ب ڤەگوهاستنا کەرەستێن سەربازی، خوارن و ئامێرێن ئەلکترۆنی بۆ چەکدارێن داعشێ، کەسەکێ دی ژی زانیاری ل سەر ڤەلڤینا هێزێن ئەولەهیێ یێن عێراقێ بۆ چەکدارێن داعش ڤەگوهاستینە.

گۆت ژی، چەکدارێن دەستەسەرکری رادەستی رێڤەبەرییا هەوالگیریا کەرکوکێ کرینە.

ئەڤە ددەمەکی دایە، ل ١٢ێ ساباتا ئەڤ سالە عێراقێ ئۆپەراسیۆن ب مەرەما دەستەسەرکرنا چەکدارێن داعش ل چەند دەڤەران دەست پێکرییە و ل دەست پێکا ئۆپەراسیۆنێ ژی چەندین چەکدار کوشتینە و دەستەسەرکرینە، کو د ناڤ وان دا چەندین سەرکردەیێن داعشێ هەبوونە.