سەرنووچە:

هەژمارەک چالاکڤان و رۆژنامەڤانێن دی ل سنورێ پارێزگەها دهۆکێ هاتنە دەستەسەرکرن

فۆتۆ: 
2020-10-22

812 جار خوێندراوەتەوە

سەرێ سپێدەهیا ئەڤرۆ، هەریەک ژ چالاکڤان شڤان سەعید، رۆژنامەڤان گوهدار زێباری و هاریوان عیسا کامیرەمانێ بەرێ یێ ئێن ئاڕ تی، ژ ئالیێ هێزێن ئەولەهیێن دهۆکێ ڤە ل سنورێ وێ پارێزگەهێ هاتنە دەستەسەکرن.

سپێدەهیا ئەڤرۆ پێنجشەمبێ، ٢٢ێ جۆتمەها ٢٠٢٠ێ، هەژمارەکا چالاکڤان و ڕۆژنامەڤان ل سنورێ پارێزگەها دهۆکێ ژ ئالیێ هێزێن ئەولەهیێن وێ پارێزگەهێ ڤە هاتنە دەستەسەرکرن، کو پێکهاتبوون ژ شڤان سەعید چالاکڤان، کو ل ناڤ مالی وی دا هاتیەگرتن،  هاریوان عیسا وێنەگرێ بەرێ یێ ئێن ئاڕ تی و ڕۆژنامەڤان گوهدار زێبارێ نووچەگەهانێ بەرێ یێ ئێن ئاڕ تی ل قەزا ئاکرێ هاتنە دەستەسەرکرن.

لگۆڕەی زانیاریێن ئێن ئاڕ تی، هەیا نها سەدەمێ دەستەسەرکرنا وان هەرسێ کەسان نەهاتیە زانین و چارەنڤیسێ وان ژی نەدیارە، هێزێن ئەولەهیێ ژی چ زەلالکرنەک لسەر نەدانە.

د دەمێ دەربازبووی ژی دا، کۆمەکا چالاکڤان و ڕۆژنامەڤان ل سنورێ پارێزگەها دهۆکێ ژ ئالیێ هێزێن ئەولەهیا وێ پارێزگەهێ ڤە هاتبوون دەستەسەرکرن، کو هندەک ژ وان ب کەفالەت هاتنە ئازادکرن و هندەکێن دی ژی هەیا نها نەهاتنە ئازادکرن کو پێکهاتنە ژ مامۆستا بەدەل بەرواری و رۆژنامەڤان ئومێد بەرۆشکی و شێروان شێروانی.

س.ع