سەرنووچە:

ئومێد خۆشناو: وەرگرتنا باوەریێ ژ سەرۆکێ حکومەتێ مەحالە

فۆتۆ: 
2020-09-24

155 جار خوێندراوەتەوە

سەرۆکێ فراکسیۆنا پارتی ل پەرلەمانێ کوردستانێ ڕاگەهاند، بدەستڤەئینانا سەری ٧٤ ئیمزایاین بۆ وەرگرتنا باوەریێ ژ سەرۆکێ حکومەتا هەرێمێ ل سەرڤەی مەحالێ یە، لێ ئەندامێن کابینەیێ دی پێدڤی ب ٥٦ دەنگانە و ئەو ژی بۆ فراکسیۆنان گەلەک ساناهییە.

ئومێد خۆشناو سەرۆکێ فراکسیۆنا پارتی لە پەرلەمانا کوردستانێ ڕاگەهاند، فراکسیۆنا پارتی وەک مەزنترین فراکسیۆن ب هەموو ئاوایەکێ دگەل رۆلگێرانا پەرلەمانی دایە و چ کەسەک نکاریت ئینکاریێ ژ وێیەکێ بکەت کو فراکسیۆنا زۆرینە  پشکا شێر ژ باشی و خرابیان بەردکەڤیت و ئەو ژ بەرپرسیارەتیێ ناڕەڤن.

بەحسا وێیەکێ ژی کر، ئەو ژ پەرلەمانی ناترسن، هەڤدەم، بێ کو ناڤێ چ فراکسیۆنان بئینیت و دبێژیت، ئەڤە هەنگۆنە پێدڤیە وەک کەمینە ژ شکۆ و هەیبەتا پەرلەمانی و ڕاستیان بترسن کو هەردەمی ترسیایی نەژی لهەمبەر ژی دا دەست و تبلێن هەوە دگەل چەواشەکاریان نەرمکریە.

سەرۆکێ فراکسیۆنا پارتی گۆت ژی، ئەوێن د بێژن دەستهەلات ژ  پەرلەمانی دترسیت یان چ چ واتەیا هێزا زۆرینە تێناگەهن، یان خۆ و خەلکی د خاپیین.

ئەڤەژی د دەمەکێ دایە، د نها دا ٢٢ ئەندامێن پەرلەمانێ کۆردستانێ ئیمزا بۆ بانگێهشتکرنا سەرۆکێ حکومەت و جێگرێ  وی و وەزیرێ دارایی کریە، ب مەرەما پرساندنێ لسەر ڕەوشا دارایی و تایبەت ب گیرۆبوون و بڕینا بەشەک ژ موچەیێ موچە خۆران.