سەرنووچە:

دەربارەی شاندنا موچەیێ ڤێ مەهێ یێ فەرمانبەرێن هەرێمێ ل بەغدا زەلالکرن هاتەدان

فۆتۆ: 
2020-09-18

4241 جار خوێندراوەتەوە

ئەندامەکێ لیژنەیا دارایی لە پەرلەمانێ عێراقێ ڕاگەهاند، چ ئاریشەیەک ژ شاندنا موچەیێ فەرمانبەرێن هەرێمێ ل بەغدایێ درۆست نەبوویە ل ١٨ێ بۆ ٢٥ێ هەمی مەهەکێ موچە دێ هێتە پارڤەکرن و ل وی دەمی ژی دا پارەیێ موچەیێ فەرمانبەرێن هەرێمێ دێ هێتە شاندن.

شیروان میرزا، ئەندامێ لیژنەیا دارایی ل پەرلەمانێ عێراقێ ب میدیایێن عێراقێ ڕاگەهاندیە،" شاندنا موچەیێ فەرمانبەرێن هەرێمێ گیرۆنەبوویە و ئاریشەژی بۆ درۆست نەبوویە، ئەوا هەی تشتەکێ ئاساییە، ژبەر کو هەیا نها بەغدا دەست ب پارڤەکرنا موچەی نەکریە، ژبەر هندێ موچەیێ فەرمانبەرێن هەریمێ ژی نەهاتیە شاندن".

دایەزانین ژی، د دەمێ دەربازبووی ژی دا، ب هەمان ئاوا بوویە، بەغدا ل ١٨ بۆ ٢٥ێ هەموو مەهەکێ دەست ب پارڤەکرنا موچەی دکر و ل وی دەمی ژی دا موچەیێ فەرمانبەرێن هەرێمێ دشاند".

ئاماژە ب وێیەکێ کریە، ئەگەرەکێ زۆرە ژ دەستپێکا حەفتیا داهاتی، دەست ب پارڤەکرنا موچەیێ فەرمانبەرێن هەرێمێ دهێتەکرن و بڕە پارەیێ موچەیێ فەرمانبەرێن هەرێمێ ژی دێ هێتە شاندن.