سەرنووچە:

ئەڤرۆ جڤاتا وەزیران دەربارەی موچەی دێ جڤیت

فۆتۆ: 
2020-09-16

1253 جار خوێندراوەتەوە

چاڤکانیەکێ ژ حکومەتا هەرێمێ بۆ ئێن ئاڕ تی ڕاگەهاند، د جڤینا ئەڤرۆ یا جڤاتا وەزیران دا، پرسا دەمی و چاوانیا پارڤەکرنا موچەیێ مەها نیسانا ئەڤسالە ب لێبڕینا ٢١%ێ دهێتە دیارکرن.

چاڤکانیەکێ ژ حکومەتا هەرێمێ بۆ ئێن ئاڕ تی ڕاگەهاند، وەسا بڕیارە د جڤینا ئەڤرۆ چارشەمبێ دا یا جڤاتا وەزیران، ژبلی پرسا پارڤەکرنا موچەیێ فەرمانبەران، هەڤدەم، گوت و بێژه بودجەیا عێراقێ و سەرەدانا مستەفا کازمی بۆ هەرێمێ و گوت و بێژان ناڤبەرا هەرێمێ و بەغدایێ بهێتەکرن.

د چەند رۆژێن دەربازبووی دا، چاڤکانیەکێ ژ حکومەتا هەرێمێ بۆ ئێن ئاڕ تی ڕاگەهاند، پێشبینی دهێتەکرن ل ناڤەڕاستا ڤێ مەهێ ب لێبڕینا ٢١%ێ پارڤەکرنا موچەیێ مەها نیسانا ئەڤسالە دەستپێبکەت.

دایەزانین ژی، وەزارەتا دارایی داخواز ژ هەموو وەزارەت و جهان کریە لیستا موچەیێ فەرمانبەرێن خۆ ب لێبڕینا ٢١%ێ بۆ وەزارەتا دارایی بشینن.

بەحسا وێیەکێ ژی کر، وەزارەتا دارایی دەست ب ئامادەکاریان بۆ پارڤەکرنا موچەیێ مەها نیسانێ کریە و هەڤدەم، بۆ ڤێ جارێ ژی هەروەک دوو مەهێن دەربازبووی، پارڤەکرنا موچەی ب لێبرینا ٢١% دبیت.

ئەڤ موچەیێ کو دهێتە چاڤەرێکرن د چەند رۆژێن داهاتی دا بهێتە پارڤەکرن، بۆ مەها نیسانا ئەڤسالە ڤەدگەڕیت و فەرمانبەران ژ بلی کو دەهان موچەیێن مەهانەیێن وان یێن سالێن دەربازبووی ل جەم حکومەتێ یە، هەڤدەم، د ئەڤسالە ژی دا کو بەرەڤ مەها ١٠ێ دچین، تنێ موچەیێ سێ مەهان وەرگرتنە.