سەرنووچە:

یەکەم داخویانیا تورکیا دەربارەی فرۆتنا نەفتا ڕۆژئاڤایێ کوردستانێ ب کۆمپانیەکا ئەمریکی

فۆتۆ: 
2020-08-03

343 جار خوێندراوەتەوە

وەزارەتا دەرڤە یا تورکیا دلگرانیا خۆ ژ پشتەڤانیکرنا ئەمریکا بۆ لهەڤهاتنا نەفتیا ناڤبەرا کۆمپانیەکا ئەمریکی و هێزێن سوریا دیموکرات هەسەدێ دەربریە و دبێژیت، " ئەو لهەڤهاتن جهێ قەبیلکرنێ نینە و چ بنەمایەکێ یاسایی نینە".

ئەڤرۆ دووشەمبیێ وەزارەتا دەرڤە یا تورکیا د ڕاگەهاندنەکێ دا پشتەڤانیا ئەمریکا د لهەڤهاتنێ دا ب پشتەڤانیا دارایی یا تیرۆرێ قەلەمدایە ئاماژە کر، " یەکینەیێن پاراستنا گەل یەپەگێ ب ڕێیا ئیمزاکرنا ڤێ ڕێکەفتننامەیێ دگەل کۆمپانیا ئەمریکی خواستێن خۆ لسەر دەست بسەرداگرتنا سامانێ گەلێ سوریا دەرخستیە".

ئەڤ داخۆیانیا وەزارەتا دەرڤە یا تورکیا دەمەکێ دایە ، د چەند رۆژێن دەربازبوویی دا کۆمپانیەکا نەفتی یا ئەمریکی گرێبەستا پێشخستنا زەڤیێن نەفتێ یێن رۆژئاڤایێ کوردستانێ دگەل ئیدارەیا رۆژئاڤا ئیمزاکر ، ئەو گرێبەست ژی ب دانپێدانانا ئەمریکا ب قەوارەیا کوردی ل وێ بەشێ هاتە لێکدان ، کو نێزیکن ژ پەکەکێ.