سەرنووچە:

سوبە و دوزبەی دێ مووچەیێ ڤان جهان ھێتە پارڤەکرن

موچەیێ مەها دوویا ئەڤسالە
فۆتۆ: 
2020-07-10

1663 جار خوێندراوەتەوە

وەزارەنا دارایی یا هەرێمێ خشتەیێ تەڤاهیا وەزارتان راگەهاند و لگۆرەی خشتەی، سوبەهی شەمبیێ ١١ێ تیرمەهێ یەكشەمبێ ١٢ێ تیرمەها ٢٠٢٠ێ موچەی وەزارەتا كاروبارێ جڤاكی" داد، سامانێن سرۆشتی" ئەوقاف و كارۆبارێن ئاینی، پلاندانان، پیشەسازی وبازرگانی، ڤەگوهاستن و گەهاندن، خاندنا بلند و ڤەكۆلینا زانستی دێ هێنەپارڤەكرن.

هەڤدەم، هەر سوبەهی و دوزبەی خودانپێدڤیێن تایبەت، جڤاتا دادوەری، دیوانا چاڤدێری، مافێن مرۆڤی، دەڤەرێن دەرڤەی هەرێمێ، دەستەیێ ژینگەهێ، دەستەیێ وەبەرئینان، دەستەیا دەستپاقژی، كۆمسیۆنا هەلبژرتن و دەزگەهێ مینان دێ هێتەپارڤەكرن.

پارڤەکرنا مووچەی د دەمەکێ دایە، ۲۱ێ مەها دەربازبووی ، حکومەتا ھەرێمێ  چەند بریارێن نوو بۆ کێمکرنا مووچەی و دەرمالێن فەرمانبەران دەرکر و لگۆر بریاران ب ڕێژەیا ۲۱٪ مووچەیێ فەرمانبەران و مووچەخۆران ھاتە کێمکرن.

نێزیکی ٦۰ رۆژن مووچە نەھاتیە پارڤەکرن ، زێدەباری کو بەغدا د مەھا دەربازبوویی دا ٤۰۰ ملیار دینار بۆ ھەرێمێ شاندن ، پشترا حکومەتا ھەرێمێ ڕاگەھاند، بۆ پارڤەکرنا مووچەیێ مەھا یەک قەر ل کۆمپانیان کریە و کۆژمەکێ زۆر یێ پارەیێ بەغدا بۆ دانا وان قەران تەرخان کریە ، ب وێ سەدەمێ ژی پارڤەکرنا مووچەی پاشکەفتیە.