سەرنووچە:

ڤێ حەفتیێ دێ مووچەیێ ڤان جهان هێتە پارڤەکرن

مووچەیێ مەها دوو یێ ئەڤسالە
فۆتۆ: 
2020-07-04

2070 جار خوێندراوەتەوە

وەزارەتا دارایی ڕاگەهاند، ژ سوبەهی یەکشەمبیێ ڤە هەیا کو پێنجشەمبیێ، دێ مووچەیێ مەها سباتا ئەڤسالە یێ هەریەک ژ وەزارەتا شەهیدان (کەسوکارێن شەهیدێن سەنگەر و شەهیدێن وەلاتیێن ئاسایی)، جڤاتا ئاسایشێ دگەل دەزگەهێ ئاسایشێ و پەروەردەیێن دەرڤە و ناڤ باژێڕی هێنە پارڤەکرن.

وەزارەتا داراییا حکومەتا هەرێمێ د ڕاگەهاندنەکێ دا دیارکر، سوبەهی یەکشەمبیێ ٥ێ ٧ێ ٢٠٢٠ێ و دووسبە دوشەمبیێ ٦ێ ٧ێ ٢٠٢٠ێ، دێ مووچەیێ وەزارەتا شەهیدان، بەشێ کەسوکارێن شەهیدێن سەنگەر و جڤاتا ئاسایشێ هێتە ڤەکرن.

دیارکر ژی، ڕۆژا سێشەمبیێ ٧ێ ٧ێ ٢٠٢٠ێ دێ مووچەیێ، وەزارەتا شەهیدان، بەشێ شەهیدێن وەلاتی و زیندانیێن سیاسی کو شایستەیێن وان ماینە دگەل دەزگەهێ ئاسایشێ هێنە پارڤەکرن.

پارڤەکرنا مووچەی دەمەکێ دایە، ڕۆژا ٢١ێ مەها دەربازبوویی حکومەتا هەرێمێ چەند بڕیارێن نوو بۆ کێمکرنا مووچەی و دەرمالێن فەرمانبەران دەرکر و لگۆری بڕیاران ب ڕێژەیا ٢١٪ێ مووچەیێ فەرمانبەران و مووچەخۆرێن هەرێمێ هاتە بڕین.

س.م