بازرگان و دوکاندارێن مە دلێ داشکاندنێ نینە

2340 جار خوێندراوەتەوە

ل هەمی وەلاتان سالانا رۆژێن تایبەتێن داشکاندنان یێن هەین و بەری سال نی ببیت دا کو خەلک بۆ سالا نی خۆ بەرهەڤ بکەت و قەستا بازاران بکەن بازرگان و دوکاندار ژی ڤێ فەترێ بخۆ ب دەلیڤە دبینن هەردوولا قازانجی دکەن و ب ژمارەیێن بەرچاڤ داشکاندن د بازارێن وان دا دهێنە کرن ڤێجا ل ژێر چ ناڤ بیت.

چەند سالەکە ل دەڤ مە ژی ئەڤ دیاردە یێن سەرهلددەن لێ گەلەک جودا و جهێ سەرنجێ!.

دهی من سەرەدانا مەزنە مارکێتا سێمێل کو خەلکێ پارێزگەهێ و ژ دەرڤە هەمی قەستا وێ دکەن هەر ژ بەر دەرگەهی و هەتا تو دچیە دناڤدا و سەروبنێ وێ پوستەرێن بلاک فرایدەی و داشکاندن یێن داناین تشتێ هەرێ باش بەری چەند رۆژا چووبوم دا هندەک جلکێن زڤستانێ کرم بهایێن وان ل بیرا من بوون یێن هندەک جهان هەر وەکی خۆ بوون دەستکاری تێدا نەکربوون یێن ڤیاین ژی داشکاندنێ بدانن بهایێن بلندتر ل سەر ستیکەری دانابوون پاش کربوونە داشکاندن، هندەکا ژی چێکربوو 2 پارچا بکرە ئێکێ دیاری وەرگرە و یێ دی گوتبوو 3 پارچا بکرە 2 دیاری، دا سەحکەیە بهایێن وان جها ژی د سەیر و سەمەربوون هندێ بهایێ وان بلندکربوون و هندەک پارچە ئەرزانکربوون ئەوێن بکێرنەهاتی.

نموونەکا عەجێبتر من ل وێرێ دیت ئەز چوومە د جهەکێ سپۆرتێ ڤە بهایێ پوتینەکا وان 229$ ئەگەر پتر نەبیت موهیم داشکاندن کربوو 119$ ڤێجا ب دەهان نمونێن ب وی رەنگی ل وی جهی مە دیتن ئەرێ کەنگی ئەڤە یا لۆژیکییە؟.

کەلوپولێن ناڤ مالێ ژی هەر ب وی رەنگی بوون ، نمونە سۆپەیاکا هیتەری 118 هزار دیناران بوو شنی داشکاندنێ کربوو 80 هزار دینار ئەوبخۆ شنی گەهشتبوو بهایێ سروشتی.

یا من دڤێت بێژم ئەڤ داشکاندنا ل ژێر ڤان ناڤێن بازرگانی بتنێ فێلەکە بتنێ دا بکری بکێشن و قازانجێ ژێ بکەن، پێدڤیە ئەم سەردانەچین و نەبینە ئەگەر بۆ سەرکەفتنا وان.