گەنج و ئەوروپا!

13052 جار خوێندراوەتەوە

کۆچکرن نەبڕیارەکا بساناهیە مرۆڤ دژیانا خۆدا بدەت و قەستا وەلاتەکی بکەت و ژیانەکا نوی لێ دەست پێ بکەت بەلێ دڤان سالێن داویێ دا و پشتی ڤێ ڕەوشا پەیدابووی ل رۆژهەلاتا ناڤەڕاست ب تایبەت سوریا و عێراق و شەڕێ داعش و گەلەک ئەگەرێن دی دریاردا کۆچکرنێ بەرەڤ ئەوروپا گەلەک زێدەبوو و پشتی ڕەوشا عێراقێ تێکچوویی و پەیوەندیێن هەولێر و بەغدا ئالۆزتربووین و هاتنا داعش و بڕینا بودجەیا هەرێمێ ژ ئالیێ بەغدا ڤە بۆ ئەگەر دیاردا کۆچکرنێ گەلەک زێدەبوو هەردیسان گەلەک ئەگەرێن دی ژی هەبوون کو وەلاتیێن هەرێمێ و بتایبەت گەنج بڕیارا کۆچکرنێ بدەن و رێیێن قاچاغ بگرنە بەر ژ پێخەمەت ژیانەکا باشتر ژ یاهەی ل هەرێمێ.

هەر دیسان ئەگەرێ سەرەکیێ کۆچا گەنجان بۆ دەرڤەی وەلاتی نەبوونا دەلیڤێن کاری بوویە و دیسان نەبوونا گەرەنتیێ و هەبوونا دیوارەکی دناڤبەرا وەلاتیان و دەستهەلاتێ دا و هەبونا کەسێن نەل ئاستێ بەرپرسایەتیێ و نەگەهشتنا وەلاتیان ب وان کەسان یێن بووینە ئەگەر کو وەلاتی بگشتی و تەخا گەنجان ب تایبەتی بێزارببن و هزر ل هندێ بهێتەکرن ئێکسەر گەنج بڕیارا کوچکرنێ بدەت بەرەف وەلاتێن ئەوروپا برێیێن قاچاغ و نەیاسایی ژ پێخەمەت ژیانەکا باشتر و ئازادتر و دیر ژبن وێ فشارا لسەر د ناڤا هەرێمێ و هەردیسان هەردوو پارتێن دەستهەلاتێ پشتی شکەستن ئینای دهەمی بیاڤێن رێڤەبرنێ دا و نەشیاینژیانەکا ژ هەژی بۆ خەلکی دابین بکەن و قەبارێ گەندەلیێ گەهشتیە بلندترین ئاست و چ ئومێدەک نەبیت کو دێ ئەڤ حکومەتە شێت هندەک ئاریشەیێن خەلکی چارەکەت.

پشتی بلندبونا دەنگێ نەرازی پارتێن دەستهەلاتێ بتایبەت پارتی ل بەهدینان ئێکسەر و بێی هزرکرن دەست ب هەوەکا بێدەنگکرنێ کر و د ئەنجامدا هەرچ چالاکڤان و رەخنەگر و رۆژنامەڤان و دەنگێن ئازاد ل بەهدینان دەستەسەرکرن و بەشەک ژ وان شیان خوقورتال بکەن لێ پتریا وان زیندانکرن و گەلەک ژ وان دوو سالا پتر بێی دادگەهکرن دزیندانێ دامان و هەر پێنچ گرتیێن حوکم داین باشترین بەلگەنە ل سەر شکەستنا حوکومڕانیا هەردوو پارتێن دەستهەلاتێ لەوما دنوکەدا پێتڤیە پارتێن ئۆپۆزسیۆنێ و بتایبەت نەوەی نوێ و كەسايەتيا شاسوار ئەبدولواحید دگەل یوئێن و یەکێتیا ئەوروپا و ئەمریکا کاربکەن بزیترین دەم هەلبژارتن بهێنە ئەنجام دان و گهورینەکا سەرانسەری ل هەرێمێ پەیداببیت و بگەهنە لهەڤهاتنەکا گشتگیر دگەل بەغدا بۆ هندێ ژیان ل خەلکی بزڤریت و مووچە و بەلاڤکرنا گاز و غازان نەبیتە بابەتێ بەپەلەیێ رۆژنامەڤانی ل هەرێمێ، ژبەرکو هەرێم لسەر دەریا گازێ یە و وەلاتیان هزرەتە گاز بدەست بکەڤیت.

هەر ژبەرهندێ یا گرنگە د نوکەدا کاربهێتەکرن خەلک بەرەڤ هەلبژارتنان بچیت و هزر د بایکوتێ دا نەهێتەکرن و پارتەکا مەزن یا ئۆپۆزسیۆنێ پتریا دەنگان بدەست ڤەبینیت و حکومەتێ پێک بئینیت یان ببیتە سەرئێشە بودەستهەلاتێ و گڤاشتنا جددی ل سەر حکومەتێ بکەت کو بشێت دەلیڤێن کاری پەیدا بکەت دەرچوویێن زانکۆ پەیمانگەهان دابمەزرینیت مووچەیێ هەمی تەخ و چینان رێکبێخیت ژ پێخەمەت وەلاتی و بتایبەت گەنجان داکو هزر د کۆچکرنێ دا نەکەن.