کی دێ ب سەرکەڤیت؟ روسیا یان ڕۆژئاڤا؟
PM:11:32:28/02/2023
9244 جار خوێندراوەتەوە
وەلید محەمەد
+
-
کی دێ ب سەرکەڤیت؟ روسیا
یان ڕۆژئاڤا؟
ل بەروارێ ٢٤ ێ شوباتا
سالا ٢٠٢٢ روسیا دەست ب ھێرشان کر بەرامبەر ئوکرانیا و شیا د دەمەکێ کێم دا دورپێچ
بکەت و ئەسمانێ وان ژی کونترول بکەت.
ھەرچەندە چاڤەڕێ
دهاتەکرن کو روسیا ددەمەکێ کێم دا ئوکرانیا ب تمامی کونترول بکەت، لێ پێشبینی ب وی
رەنگی دەرنەچوون ئەڤ چەندەژی بۆ دوو ئەگەران دزڤریت:
١ـ روسیا نەدڤیا
ئوکرانیا د دەمەکێ کێم دا کونترول بکەت، ژبەرکو وانا دڤیا شەری بەرفرەھتر لێ بکەن،
ئالیێ ڕۆژئاڤا ب وی شەری بێ شیان بکەن.
٢ـ روسیا نەدشیا ب
تمامی ئوکرانیا کونترول بکەت ژبەرکو ئالیێ ڕۆژئاڤا بەرهەڤیێن بەری وەخت بۆ ڤێ چەندێ
کربوون چەکەکێ زۆر ل ئوکرانیا جێگر کربوو و مەشق و راھێنان ب سوپایێ ئوکرانیا
کربوون.
ب بۆچوونا من ئەگەرێ ئێکێ
ژ یێ دووێ بھێزترە ژبەرکو ھەردەم روسیا حەزا شەرێ بلەز نینە، دڤێت ولاتێن ئەوروپا
و ولاتێن سەر ب ناتویێ ڤە بێخیتە دناڤ شەریدا و چاڤێ وان ل زێدەترە نە بتنێ ئوکرانیا،
ئەڤەژی پشتی زێدەتری سالەکا شەری ھێدی ھێدی ھەست پێ دھێتەکرن و ئالیێ ڕۆژ ئاڤا
نزانیت دێ چەوا خۆ ژ ڤی شەرێ وێرانکەر ڕزگارکەت. ئەڤەژی ب نەرینا من بڤی شێوەی ژی
ب ساناھی و بلەز روینادەت بەلکو پێتڤی ب دەمەکێ زێدەترهەیە.
پشتی زێدەتری سالەکێ ژ
شەر و کاڤلکاریێ ھەتا نھا روسیا شیایە ھەرێمێن (خێرسون و زابوروجیا و چەند دەڤەرێن
ھەرێما دونباس) کونترول بکەن و ب راپرسیەکێ ب روسیایا ئێکگرتی ڤە گرێ دەن.
د هەمبەردا ئوکرانیا ب
ھاریکاریەکا زۆر یا ولاتێن ڕۆژئاڤا شیاینە ھەتا رادەیەکی بەرەڤانیێ بکەن و پێشکەفتنا
روسیا سنوردار بکەن.
لێ ھاریکاریێن ولاتێن
ناتو و ڕۆژئاڤا نەبووینە رێگر ژ پێشکەفتنێن سوپایێ روسیا و بەردەوام دپێشکەفتنێ
دانە.
ئەوا دھێتە پێشبینی
کرن ئەوە کو روسیا ل دوماھیێ دێ بسەرکەڤیت و دێ فرە جەمسەریێ راگەھینیت، ب ڤێ پێنگاڤێ
ژی دادپەروەری و یەکسانی دووبارە دێ زڤریت بۆ جیھانێ، ژبەرکو وڵاتێن ڕۆژئاڤا بۆ بەرژەوەندیێن
خۆیێن تایبەت جیھان ترساندیە و بکارئینایە و بووینە ژێدەرێ بەلاڤبوونا رەگەز پەرستیێ ....
ژبەرھندێ چ تشتەک چارەسەریا
ئاریشەیێن جیھانێ ناکەت تنێ سەرکەفتنا روسیا نەبیت.