PM:04:43:29/08/2021
2212 جار خوێندراوەتەوە
+
-
خانەقین کو باژێرەکێ کوردستانێ
یە، د دەمێ ٢٤ دەمژمێرێن دەربازبوویدا، بلندترین پلا گەرمێ لسەر ئاستێ هەرێما
کوردستانێ تومارکریە.
ئاژانسا بیلاسیرفیلی ل ویلایەتێن
کالیفورنیا ئەمریکا خشتەیەیک بەلاڤکریە و تێدا هاتیە، ژ کویا ١٥ دەڤەران و باژێرێن
جیهانێ کو بلندترین پلا گەرمێ تێدا هاتیە تومارکرن، باژێرێ خانەقینا کوردستانێ د
پلا ئێکێ دایە و ب گەرمترین دەڤەرا جیهانێ هاتیە تومارکرن د دەمێ ٢٤ دەمژمێرێن دەربازبوویدا.
ل گوڕەی وی خشتەی کو ئاژانسا
ئەمریکی بەلاڤکریە، ل باژێرێ خانەقین د دەمێ ٢٤ دەمژمێرێن دەربازبوویدا بلندترین
پلا گەرمێ لێ هاتیە تومارکرن کو ٥١ پلا سیلیزی بوویە و ب وێیەکێ بوویە گەرمترین
دەڤەرا جیهانێ.
ل گوڕەی خشتەی، دەڤەرا جەهرا ل
کوەیت کو ٥٠ پلەیێن سیلیزی تومارکریە ب پلا دووێ دهێت.
هەڤدەم، هەر ئێک ژ دەڤەرێن عەلی
غەربی و عەمارە ل پارێزگەها میسان ل باشورێ عێراقێ ب تومارکرنا ٤٩.٦ پلە و ٤٩.٥
پلەیێن سیلیزی پلەیا سێ و چارێ گرتیە ل رێزبەندیا گەرمترین دەڤەرێن جیهانێ.
ئەڤە د دەمەکی دایە، د ئەڤسالدا،
ب سەدەمێ گوهۆرینا سەقا و هەوای پلەیێن گەرمێ ل دەستپێکا هاتنا وەرزێ گەرمێ،
پلەیێن گەرمێ ل جیهان و عێراقێ و هەرێما کوردستانێ ب شێوەکێ بەرچاڤ بلندبوویە و ل
سەر ئاستێ جیهانێ ژی د دەمێ دەربازبوویدا چەندین ئاگر ب چەند دەڤەران کەفت ل
دارستانێن تورکیا و روسیا و یۆنان و ئیتالیا و ئەمریکا و لوبنان و سوریا و جەزائیر
و تونس و چەند دەڤەرێن دی یێن جیهانێ و ب وێ سەدەمی ب دەهان هزار هێکتار دارستان
شەوتین و زەڤیێن چاندنێ و بەرهەمێ جوتیاران و جهێن گەشتیاران زیان بەرکەفت و ب
سەدان کەسان ژیانا خۆ ژدەستدا و ب هزاران ژی مالێن خۆ چولکرن.
