PM:10:36:17/11/2022
388 جار خوێندراوەتەوە
+
-
پارێزگارێ سلێمانیێ دەربارێ بوویەرا وێ
تەقینا سلێمانیێ ڕاگەهاند سەدەمێ وێ بوویەرێ تنێ تانکا غازێ بوویە چ سەدەمێن دی
نینە و هەیا نها نەهـ کەس بریندارن و چار کەسێن دی ژی ژیانا خۆ ژدەستداینە.
هەڤەل ئەبوبەکر پارێزگارێ سلێمانیێ د
کۆنفرانسەکا ڕۆژنەمەڤانی دا ڕاگەهاند، پشتی ڤەکۆلینان دیاربوویە ب سەدەمێ تەقینا
تانکا غازێ وێ بوویەرێ رویدایە و چ سەدەمێن دی نینە و خانیێن نێزیک ل وێ مالێ
زەرەر پێکەفتیە.
ئاماژە ب وێیەکێ ژی کر، هەیا نها پێنچ کەس
بریندارن و زارۆکەک ژی بریندارە و داخازێ ل ئاکنجیێن وی تاخی دکەین ژ پێخەمەت
سەلامەتیا خۆ و کار ساناهیێ بۆ کارمەندێن ساخلەمیێ و بەرەڤانیا شارستانیێ وێ
دەڤەرێ چۆل بکەن.
ژ ئالیەکێ دیڤە نووچەگەهانێ ئێن ئاڕ تی ئەو
یەک بەرچاڤکر، ئەو کەسێن ژیانا خۆ ژ دەستداین سێ ژن و زارۆکەکن کو ئەو ژی کچە و د
نها دا ل بنگەهێ نۆژدارێ دادوەری هویرکاریا لەشی ژ بۆی وان دهێتە ئەنجامدان.
ل گۆر زانیاریێن نووچەگەهانێ ئێن ئاڕ تی، دوو
ژ وان ژنان ژیێ وان سەرڤەی ٤٠ سالیێ یە و ئێک ژوان ٣٥ سالە و ئەو زارۆک ژی ژیێ وی
١٥ سالە.
ئێک ژ بریندارێن د ناڤ وی خانی دا گۆتیە،
"زێدەتر ژ ٢٠ کەسان بووینە د ناڤ وێ مالێدا".
ئەڤە ژی پشتی وێیەکێ دهێت، بەریا دەمەکێ کێم
ب سەدەمێ تەقینا تانکا غازێ ل تاخێ کازیوە دوو چەند کەسان ژیانا خۆ ژ دەستدان و
برینداربوون.