PM:04:47:16/11/2022
284 جار خوێندراوەتەوە
+
-
وەارەتا ساخلەمیا حکومەتا دەم بسەرڤەچوویا
هەرێمێ ڕاگەهاند، دێ بهایێ دەرمانان ل هەمی دەرمانخانەیێن کورستانێ وەکی ئێک لێکەین و دڤێت دەرمانخانە
پێگربن پێڤە.
د وێ دەربارێ دا شیروان سادق ڕێڤەبەرێ گشتیێ
کوالێتا کۆنترۆلا دەرمانان ڕاگەهاند، شاندنا دەرمانان و هویرکاریێ کوالێتا وان
دڤێت زەلال بیت.
بەحسا وێیەکێ ژی کر، ل دەسپێکا ڤێ مەهێ دەست
ب وێ پرۆسێ هاتیەکرن و دوو قۆناغ دەربازبووینە، کو د قۆناغا ئێکێدا بها بۆ
دەرمانان هاتیە دیاریکرن و د قۆناغا دوویێ دا ل دیف چەند بنەمایان پێداچوونێ بسەر
هەمی بهایان دکەن.
وی نۆژداری بەحسا وێیەکێ ژی کر، "بەرێ
دەمێ بها دهاتە دیاریکرن و نە دهاتە جێبەجێکرن وەکی کوردەواری دبێژیت، لبەر زۆریێ
و بۆریێ بوویە. وی دەمی تۆمارا کارگەهـ و بەرهەمێن دەرمانسازیێ نۆژداری وەکی پێتڤی
نەبووینە".
دبێژیت ژی، ب ڕێکا وێ کۆدا لسەر دەرمانان،
وەلاتی ب موبایلێن خۆ دشێن کوالێت و دەمێ بسەرڤەچوونێ بزانن و دهەیاما داهاتی ژی
دا خزمەتگوزاریا بهای ژی هەر د وێ کۆدێدا زێدەدبیت.
ڕێڤەبەرێ گشتیێ کوالێت و کۆنترۆلێ ئەویەک ژی
ئەشکەرا کر، دوو سال پێتڤینە بۆ تەمامبوونا وی پرۆسەی کو دیفچۆنێ بۆ هەمی دەرمانان
بکەن کو دناڤ دەرمانخانێن هەرێمێدا هەنە.
گۆت ژی، هەر کەسەک پێگر نەبیت ب وی بهایێ
دەرمانی د کۆگەهـێن دەرمانی و کۆمپانیان ڤەکۆلینێن دژوار دگەل دهێنەکرن.
ئەو وەزارەت ژی دبێژیت، ب وی ئاوای دشێن ڕێکێ
ل شاندنا دەرمانێ دەم بسەرڤەچووی و جودایا بهایان بگرن.