PM:04:38:14/11/2022
1860 جار خوێندراوەتەوە
+
-
كەساتیێ دیارێ سوشیال
میدیایێ مەلا عەدنان كۆچەر هاتە دەستەسەركرن، ل گۆر زانیاریێن نووچەگەهانێ ئێن ئاڕ
تی ژی، لسەر سكالایا داخازكەرێ گشتیێ سێمێلێ ناڤهاتی ژبەر دوو تۆهمەتان هاتیە
دەستەسەركرن.
هێمن ئیبراهیم، نووچەگەهانێ ئێن ئاڕ تی ل دهۆكێ ڕاگەهاند، ئەڤرۆ مەلا عەدنان
كۆچەر لسەر سكالایا داخازكەرێ گشتی یێ سێمێلێ هاتە دەستەسەركرن.
دیارژیكر، دوو تۆهمەت ئاڕاستەی مەلا عەدنانی هاتینە كرن كو ئێك ژ وان
دەرخستنا ئەجنایە ژ لەشێ مرۆڤان و یا دووێ ژی پەیوەندی ب بابەتێ ئێك ژ
ئاوازدانەرێن دیارێ كوردستانێ یە كو ناڤهاتی دبێژیت، ئەوی كەسی وانە داینە شێخەكێ
مەزنێ جیهانا ئیسلامی.
بەحسا وێیەکێ ژی کر، مەلا عەدنان خەلکێ قەزا سێمێلێیە و بەرنیاسە د
سۆشیال میدیایێ دا ب بەرسڤدانا پرسیارێن وەلاتیان و دروستکرنا ڤیدیۆیان، هەیاما
چەندەکێیە لایفان لسەر تۆڕێن جڤاکی ڤەدکەت و گوتوبێژێن ئاینی دکەت.
ئەڤە د دمەكێ دایە، بەریا نها ژی چەندین كەسایەتیێن دیارێن سوشیال
میدیایێ ل دهۆكێ هاتینە دەستەسەركرن و سكالایا پتریا وان ژی ژ ئالیێ داخازكەرێ
گشتیێ دادگەها سێمێلێ ڤەبوویە.