PM:04:34:04/11/2022
1568 جار خوێندراوەتەوە
+
-
میدیایەکا پارتی بەلاڤکر، د دووەم رۆژا کۆنگرێ
دا کو ئەڤرۆ برێڤەچوو بریار هاتە دان ب نەهێلانا پۆستێ سکرتێرێ مەکتەبا سیاسی و
زیدەکرنا ئەندامێن مەکتەبا سیاسی ژ ١٥ بۆ ١٧ کەسان.
ل دیڤ زانیاریێن میدیایەکا پارتی، ئەڤرۆ ئەینی د کڤانا بەرنامەیێ کارێ دوویێ رۆژا کۆنگرێ ١٤ێ پارتی دیموکراتی کوردستاندا، بریار هاتە دان ب نەهێلانا پۆستێ سکرتێرێ مەکتەبا سیاسیا وێ حزبێ و ژمارەیا ئەندامێن مەکتەبا سیاسی ژی دهێتە زێدەکرن بۆ ١٥ هەتا ١٧ ئەندامان.
ئاماژە ب وێیەکێ ژی کریە، ژ وان ژی پێنج دێ بنە دەستەیێ کارگێری و ئێک ژوان دێ بیتە بەرپرسێ دەستەیێ
کارگێریێ، ئەڤەژی د جهێ پۆستێ سکرتێرێ مەکتەبا سیاسیا بەرێدا.
هەڤدەم، میدیایا فەرمیا پارتی ژی بەلاڤکر، د
کڤانا وان گۆرانکاریێن ل کۆنگرێ ١٤ بریار لسەر هاتیە دان چەند گۆهڕینێن دیژی
هاتینەکرن کو ئەڤەنە:
١- دامەزراندنا جڤاتا تێکۆشەران.
٢-بڕیار هاتە دان ب گۆهڕینا ناڤێن چڤاتا
سەرکردایەتیێن وان بۆ کۆمیتا ناڤەندی.
٣-پێکئینانا جڤاتا سەرکردایەتیا پارێزگەها
دهۆک.
٤-بریار هاتە دان ژمارەیا کارگێرێن لقا بۆ
شەش کارگێران کێم بکەن.
ئەڤەژی د دەمەکی دایە، دوهی پێنچشەمبی کۆنگرێ
١٤ێ پارتی پشتی ١٢ سالان ژ ئەنجامنەدانێ ل دهۆکێ دەست پێکر و د ئێکەم
رۆژیدا، مەسعود بارزانی ب سەرۆک حزب و نێچیرڤان بارزانی ب جێگرێ سەرۆکێ حزبێ و
مەسرور بارزانی ژی ب جێگرێ دوویێ یێ سەرۆکێ حزبێ هاتە هەلبژارتن.