PM:04:32:24/10/2022
536 جار خوێندراوەتەوە
+
-
پارتی پارێزگاران ریشی
سوناکێ ب رەگەز هندی وەک سەرۆک وەزیرێن بەریتانیا دەستنیشانکر.
ریشی سۆناک وەزیرێ بەرێ
یێ داراییا بەریتانیا کو پێشتر ژی خۆ بۆ
پۆستێ سەرۆکوەزیرێن بەریتانیا بەربژێرکربوو ڤێ جارێ زۆرترین دەنگێن ئەندامێن پارتا
پارێزگاران ب دەستڤە ئینان و پشتی لیز ترەس سەرۆکوەزیرا دەست ژکارکێشایا بەرێ بوویە
سەرۆکوەزیرێ نها یێ بەریتانیا.
ئەڤەژی پشتی وێ هات کو
پێنی مۆردانت هەڤڕاکا سۆناکی نەشیا وان دەنگان کۆم بکەت یێن کو پێتڤی بوون بۆ بەردەوامبوون
د هەڤڕکیێ دا بۆ بوون ب سەرۆکوەزیر ئەڤێ ژی وەسا کر خۆ ژ بەربژێریێ ڤەکێشیت و
سوناک وەکی بەربژێرێ پارتا پارێزگاران بسەر وێ سەرکەفت و چوون بۆ بینایێ داونستریت
مسۆگەر کر.
ژیێ ریشی سوناک، ٤٢
سالن و ب بنەچە هیندیە و ل سالا ١٩٨٠ێ دگەل خێزانا خۆ چویە بەریتانیا و ل سالا
٢٠١٠ێ بویە ئەندام د پارتا پارێزگارێن بەریتانیا دا و ئێکە ژ پشتەڤانێن بۆریس جۆسۆن
د وێ پارتێ دا.
ئەڤەژی پشتی وێ دهێت،
لیز ترەس ل ٦ێ مەها دەربازبووی پۆستێ سەرۆک وەزیرێن بەریتانیا وەرگرت و پشتی ٤٤ رۆژان
ژ دەستبکاربوونێ واز ژ پۆستێ خۆ ئینا، ئەڤ دەمەژی ب کورترین دەمێ حکومڕانیێ د دیرۆکا
حوکمێ بەریتانیادا دهێتە دانان، ئەڤەژی د دەمەکیدایە بەریتانیا ب چەند قەیرانێن
ئابوری و ناکۆکیێن سیاسی دا دەربازدبیت.