PM:06:14:25/08/2021
1132 جار خوێندراوەتەوە
+
-
نووچەگەهانێ ئێن ئاڕ تی ڕاگەهاند، دوو برا ل نێزیک گوندێ قەڵاچۆغانێ سەر ب
ناحیا سێبیلانێ یا باژێرێ هەولێر دەستدرێژیا گولەیان لێ هاتیە کرن و هاتنە کوشتن و
ترۆمبێلا وان ژی شەوتیە.
هەڤدەم، شاهدحالەکی بۆ ئێن ئاڕ تی گوت، بوویەر ل سەر ئاریشەیەکا جڤاکی بوویە
و هەردوو برایان ژیێ وان د ناڤبەرا ٢٥ بۆ ٤٠ سالادابوو.
نووچەگەهانێ ئێن ئاڕ تی زەلالکر ژی، گەلەک وەلاتی ل نێزیک بویەرێ نە و تیمێن
هێزێن ئەولەکاریێ ل وێرێ نە و تەرمێن وان ب دوو ئەمبولانسان هاتنە رەوانەکرن بۆ
نوژداریا داد ل هەولێرێ.
ئاماژە ب وێیەکێ ژی کر، تەرمێن وان هەر زوی پشتی بویەرێ ژ ئالیێ وەلاتیان ڤە
ژ ترۆمبێلێ ئینابوونە دەر و نە شەوتیبوون.
نووچەگەهانێ ئێن ئار تی ژ زارێ شاهدحالەکی ئاماژە ب وێیەکێ کر، ئەو دوو برایە
کارمەندێن بالەفڕخانا ناڤدەولەتیا هەولێرێ بوون و ل دەمێ ڤەگەڕیانا وان ژ دەوامێ بۆ
مال د رێکێ دا تەقە لێ هاتیە کرن و هاتینە کوشتن.
