PM:01:28:25/08/2021
3296 جار خوێندراوەتەوە
+
-
د کونفرانسەکێ
رۆژنامەڤانیدا وەزیرێ ناڤخۆیێ هەرێمێ ڕاگەهاند، پارڤەکرنا مووچەی دێ ب هەمان لیستا
مەها دەربازبووی بیت و ناهێتە گوهۆرین، دبێژیت ژی، ب وێیەکێ سبەهی مووچەیێ
مەها(هەشت) دیوانا وەزارەتا پێشمەرگە و لیوایان بێ لێبرین دێ هێتە پارڤەکرن.
دوهی ژێدەرەکی ژ
وەزارەتا دارایی بۆ ئین ئاڕ تی ڕاگەهاند، ئەو وەکی هەمی مەهێن دی چاڤەرێی بڕیارا
جڤاتا وەزیران بوونو پشتی نیڤرۆ یا دهی بڕیار گەهشتیە وان بۆ پارڤەکرنا مووچەی بێ
لێبرین.
بەحس ل وێیەکێ ژی کر،
تا نها چ کوچمەکێ پارەی کو ٢٠٠ ملیارن نە گەهشتیە سەر هەژمارا بەنکا وەزارەتا
دارایی یا هەرێمێ.
زەلالژی کر، ب سەدەمێ
نەهنارتن و پاخستنا پارێ بەغدا پروسەیا پارڤەگرنا مووچەی دێ خاڤبیت و تا کو پارەیێ
فوتنا پەترۆلێ ب تەمامی ڤەدگەریت بۆ وەزارەتا دارایی.
د دەمێ دەربازبووی دا
حکومەتا هەرێمێ بڕیار دا ب وێیەکێ هەمی ٢٥ێ مەهێ مووچە بهێتە پارڤەکرن، لێ هێشتا
زەلال نینە ئەرێ دێ حکومەتا هەرێمێ پابەندی بڕیارا خۆ بیت یان نە.
سەرەرای وێیەکێ ب تنێ
مەها دەربازبووی حکومەتا هەرێمێ لێبرینا مووچەی نەهێلابوو، د دەمەکی دا چەند مەهەکە
داهاتی پەترولێ و نە پەترۆلی زێدە بوویە و بهایێ دۆلاری د بلندیێ دا جێگیرە.
لێ پشتی بڕیارا
حکومەتا عێراقێ بۆ هنارتنا ٢٠٠ ملیاران و دگەل گەهشتنا وی دا پاشی حکومەتا هەرێمێ
بڕیاردا ب نەهێلانا لێبرینێ و تا نها ژی سۆز نەدایە کو لێبرین بو هەمی مەهان نا مینیت
و دێ لابەن، بەلکی دبێژن لدیف داهاتی دێ هێتە پارڤەکرن.