PM:12:04:25/08/2021
268 جار خوێندراوەتەوە
+
-
ئەڤرۆ ٣٣ سالیا ئەنفالێن بەهیدنانە و ب وێ
سەدەمێ ژی هەر ئێک ژ سەرۆکێ هەرێما کوردستانێ و سەرۆکێ حکومەتا هەرێمێ پەیام
بەلاڤکرن و سەرۆکێ هەرێمێ دبێژیت، "دڤێت
کارێ جدی بۆ ب دکیۆمینتکرنا تاوان و ناساندنا وێ ب جینوساید لسەر ئاستێ نیڤدەولەتی
بهێتەکرن".
د ڕاگەهاندنەکێ دا نێچیرڤان بارزانی سەرۆکێ
هەرێما کوردستانێ ڕاگەهاندیە، ئەفالا بەهدینان و هەمی ئەو تاوانێن لهەمبەر گەلێ
کوردستانێ هاتینە ئەنجامدان، زام و
برینێن هەردەم ڤەکرینە، دبێژیت ژی، "دڤێت
کارێ جدی بۆ ب دکیۆمێنتکرنا تاوانان و ناساندنا وان ب جینوساید لسەر ئاستێ
نیڤدەولەتی و هەمی بزاڤ بهێەکرن هەیا کو رێک ب دووبارەبوونا وان تاوانان نەهێتەدان
و مرۆڤایەتی هەر تم وان تاوانان نەبینیت".
هەڤدەم، مەسرور بارزانی سەرۆکێ حکومەتا
هەرێمێ ژی دبێژیت، "پێتڤیە حکومەتا عێراقێ، قەرەبوویا کەسوکارێن قوربانیێن
ئەنفالان بکەت، دێ لسەر بزاڤێن خۆ ژی بەردەوام بین بۆ ب جینوسایدناساندنا ئەنفالێ
ژ ئالیێ جڤاکا نیڤدەولەتی ڤە".
ئەنفالا بەهدینان
قوناغا هەشتێ و یا داویێ بۆ ژ ئالیێ رژێما بەعسا ژناڤچوویا عێراقێ ڤە لهەمبەر مللەتێ
کورد هاتیە ئەنجامدان، ل ٢٥ی تەباخا ١٩٨٨ێ دستپێکر و ل ٦ی ئەیلولا ١٩٨٨ێ ب داوی
هات، رژێما بەعسا ژناڤچوویا عێراقێ گەلەک ب دژواری دەڤەرێن پارێزگەها دهۆک و موسل
ب گشتی ئەنفالکرن، گوندێن وێ دەڤەرێ هاتنە شەوتاندن و خەلکێ وێ بەشەک ژێ هاتنە
گرتن و بەرزەکرن و شەهیدکرن کو(د گۆڕێن بکۆم دا ل بیابانێن عێراقێ بساخی هاتن بن
ئاخکرن)، بەشێ دی یێ پشتی لێبورینا گشتی خۆ ڕادەستی حکومەتا عێراقێ کرین بۆ کەلا
نزارکێ وپشترە بۆ بەحرکێ، جەژنەکان و گردەچال ل دەوروبەرێن هەولێرێ زیندانکرن.