AM:09:58:25/08/2021
3432 جار خوێندراوەتەوە
+
-
٣٣ سالان بەریا نها و د رۆژەکا وەکی ئەڤرۆ دا
رژێما بەعسا عێراقێ یا ژناڤچووی هەوا داویێ یا ئەنفالا ڕەش دژی مللەتێ کورد و بەهدینان ل دەڤەرا بەرێ گارەی ل سنورێ
ئامێدیێ ئەنجامدا.
سپێدەهیا رۆژا ٢٥ی مەها ئابا سالا ١٩٨٨ی هەوا
ئەنفالکرنا دەڤەرا بەرێ گارەی ل سنورێ قەزا ئامێدیێ دەستپێکر و گوندێ ژ هەموویان
پتر زەرەر گەهشتیێ گوندێ کیزێ یێ وێ دەڤەرێ بوو.
د وێ هەوا ئەنفالێ دا، ٩٦ وەلاتیێن گوندێ
کیزێ کو پێکدهاتن ژ گەنج و دانعەمران بێ سەروشین بوون و هەیا نها ژی چ بزاڤێن دیتن
و زڤراندنا رووفاتێن وان نەهاتینەکرن.
گوندێ کیزێ دکەڤیتە سنورێ قەزا ئامێدیێ، پشتی
٣٣ سالان ژ ئەنفالکرنێ دنهادا بسەدەما هێرشێن تۆرکیا بۆ سەر دەڤەرێ ب هێجەتا
هەبوونا گەریلایێن پەکەکێ چوولکریە و چ کەس تێدا ناژین.
ئەنفالا بەهدینان
قوناغا هەشتێ و یا داویێ بۆ ژ ئالیێ رژێما بەعسا ژناڤچوویا عێراقێ ڤە لهەمبەر
مللەتێ کورد هاتیە ئەنجامدان، ل ٢٥ی تەباخا
١٩٨٨ێ دستپێکر و ل ٦ی ئەیلولا ١٩٨٨ێ ب داوی هات، رژێما بەعسا ژناڤچوویا عێراقێ
گەلەک ب دژواری دەڤەرێن پارێزگەها دهۆک و موسل ب گشتی ئەنفالکرن، گوندێن وێ دەڤەرێ
هاتنە شەوتاندن و خەلکێ وێ بەشەک ژێ هاتنە گرتن و بەرزەکرن و شەهیدکرن کو(د گۆڕێن بکۆم دا ل بیابانێن عێراقێ بساخی هاتن بن ئاخکرن)، بەشێ
دی یێ پشتی لێبورینا گشتی خۆ ڕادەستی حکومەتا عێراقێ کرین بۆ کەلا نزارکێ وپشترە
بۆ بەحرکێ، جەژنەکان و گردەچال ل دەوروبەرێن هەولێرێ زیندانکرن.
نیهاد ئورەماری، ئامێدی