PM:11:55:13/09/2022
120 جار خوێندراوەتەوە
+
-
سەرۆکێ حکومەتا هەرێمێ یە و لسەر کورسیا قوتابخانەیەکێ روونشتیە، کو ئەو
کورسیە رێکخراوا یونسێڤ دابینکریە و دیوارێ وێ ژی تێکچوویە و درز کەفتینێ، لێ پیرۆزباهیا
سالا نوویا خاندنێ دکەت ب چاڤپوشیکرنێ ل هەمی وان کێموکاسیێن د کەرتێ خاندنا هەرێمێ
دا هەنە. دەنگی حەی..
دگەل لێدانا ئێکەم زەنگا دەستپێکرنا سالا نوویا خاندنێ ل هەرێمێ بەشەک
ژ چاڤدێران چەندین ئاریشەیێن مەزن دیار دکەن، کو د قوتابخانەیێن هەرێمێ دا هەنە و
دبێژن، هەفئاوایێ سالێن دی زەمینە سازی بۆ چارەسەرکرنا کەرتێ پەروەردێ نەهاتیەکرن
ژ ئالیێ حکومەتێ ڤە.
شارەزایێن کەرتێ پەروەردێ و مامۆستایێن نەرازی ژی چەندین کێموکاسی دەربارەی
خاندنا هەرێمێ ئاشکرا دکەن و دیار دکەن، کو رەخنەیا جددی یە ل کەرتێ پەروەردێ و کێموکاسیێن
وێ.
دەربارەی نەبوونا ئاڤاهیان شارەزا دبێژن، زێدەتر ژ ١٥٠ قوتابخانەیان سێ
دەوام تێدا دهێنەکرن و پۆلیێن خاندنێ ژی ب تایبەتی دناڤ باژێران دا زێدەتر ژ ٥٠ بۆ
٦٠ خواندەکاران تێدانە.
بەحسا وێیەکێ ژی دکەن، پێتڤیە زێدەتری دوو هزار قوتابخانەیێن دی بهێنە
دروستکرن بۆ وێیەکێ دەواما دووێ نەمینیت، ژبلی وێ کو سێ هزار قوتابخانە پێتڤی ب نۆژەنکرنێ
نە ب وێ ژی هندەک مێژوویا وان بۆ ٥٠ سالان بەریا نها ڤەدگەریت و یێن سەر دەمێ رژێما
بەرێ یا عێراقێ نە.
هەڤدەم، مووچەیێ مامۆستایان ژی هەڤئاوایێ مووچەیێ کەرتێن دی، حکومەت پێگری
سۆزا خۆ نینە ب پێدانا مووچەی ب ٣٠ رۆژان جارەکێ و جار نینە حەفتیەکێ پاش نەکەڤیت
دگەل وێ ژی مامۆستایێن وانەبێژ، کو د نها دا زێدەتر ژ ٢٠ هزار وانەبێژان هەنە و کو
چەند سالن وانەیان دبێژن و مافێ وان پێ نەهاتیە دان.
ئاریشەیا کەرتێ پەروەردێ د سیستەمێ خاندن و پەرتوکان ژی دا هەیە، ب
ئاوایەکێ پێتڤیە ٣٠ ملیۆن پەرتوکێن نووی بهێنە چاپکرن، هەر چەندە سالانە کۆژەمێ زۆرێ
پارەی دهێتە ب هەدەردان د چاپکرنا پەرتوکێن تژی ژ خەلەتیێن زانستی و نڤسینێ دا.
زێدەباری هەمی ئەوا ژی بڕیارا پلە بلندکرنێ بۆ مامۆستایان ناهێتە بجھ
ئینان کو هژمارا وان ٣٥ هزار مامۆستانە، ئەو ژی ب پێشێلکاریا مافێ مامۆستایان دهێتە
دانان.