PM:10:51:23/08/2022
412 جار خوێندراوەتەوە
+
-
پشتی دەربازبوونا حەفت سالان بسەر کوشتنا فەرەیدون
جوانڕۆیی ئەندامێ مەکتەبا سیاسیا پارتی وبەرپرسێ میحوەرێ خازر یێ پێشمەرگەی سەرەداڤێن نویێن وێ بوویەرێ دەرکەفتینە،
پارتی وی دەمی وەسا بەلاڤکربوو کو ب بوویەرا هاتن و چوونێ ژیاناخۆ ژدەستدایە.
ب گۆتنا ئازادێ
کوڕێ فەرەیدون جوانڕۆیی وەکی سکاڵاکارێ وێ
دۆسەیێ و یێن ل دادگەها تاوانا سێ یا هەولێرێ لسەر وێ دۆسەیێ ئاخفتن لێ هاتیە وەرگرتن، ئەویەک دایە بەرچاڤکرن
دەسپێکێ تەقە ل ترۆمبێلا فەرەیدوون جوانڕۆیی ئەندامێ مەكتەبا سیاسیا پارتی کریە
پشترا ترۆمبێلەکا سەربازیی ل ترۆمبێلاوی دایە.
هەڤدەم، لدیڤ وان زانیاریێن دادگەهێ بەلاڤکرین، لسەر
کوشتنا فەرەیدون جوانڕۆیی، تا نها شەش کەس هاتینە دەستەسەرکرن، سزایێ سێدارەدانێ بۆ
دەرچوویە و نها د زیندانێ دانە، لێ کەسێ حەفتێ کو ناڤێ وی شێروان سابرە و ل بڕیارا
دادگەهێ سزایێ سێدارەدانێ بۆ دەرچوویە، هێشتا نەهاتیە دەستەسەرکرن.
کوڕێ "فەرەیدون
جوانڕۆیی" بۆ دەنگێ ئەمریکا ڕاگەهاند، ئێک ژ تاوانبارێن دۆسەیا بابێ وی کو
سزایێ سێدارەدانێ هەیە، هێشتا نەهاتیە دەستەسەرکرن و ل دەوروبەرێن هەولێرێ یە. ئەڤێ
ژی زێدەتر گومان ژدەف مە دروستکریە کو پارتی زانیاریێن شاش لسەر وێ دۆسەیێ بەلاڤکرینە،
وی دەمی میدیایێن پارتی ژی بەلاڤکر کو تەقە لێ هاتیەکرن.
دەمێ کوشتنا وی
بەحسا وێیەکێ دهاتەکرن کو فەرەیدوون جوانڕۆیی ئاریشە دگەل هندەک ژ سەرکردەیێن ناڤ
پارتی و بەرپرسێن وێ حزبێ هەبوویە، ئەڤە ژی گومانێ لسەر شێوازێ مرنا وی و ئێک ئالیکرنا
دۆسەیا وی ل دادگەهێ زێدەتر دکەت.
فەرەیدون جوانڕۆیی ساڵا ١٩٥٠ ل جوانڕۆیا ڕۆژهەڵاتا
کوردستانێ ژدایک بوویە و دەمەکی سەرۆکێ جڤاتا سەرکرداتیا پارتی بوویە ل سلێمانیێ و داوی پۆستێ وی ئەندامێ مەکتەبا سیاسیا وێ حزبێ
بوویە، شەڤا 25ی ئابا ٢٠١٥ لسەر ڕێکا مەخمور د بوویەرەکێ دا هاتە کوشتن.
ئەڤە د دەمەکیدایە، کو د دەمێن دەربازبوویدا چەندین
بەرپرسێن بلندێن پارتی و یەکێتی ب بوویەرێن نەزەلال ژیاناخۆ ژدەستدایە و حزبێن وان
ژی دۆسەیێن وان ڤەشارتینە، ئەوژی ژبەر هەبوونا نهێنیان و دۆسەیێن تایبەت و بەرژەوەندیێن
حزبێ.