PM:08:25:21/08/2021
1196 جار خوێندراوەتەوە
+
-
ئەڤرۆ
ئێڤاریا شەمبی پێنج کەس ل خابیرێ گوندکۆسەی دکەڤنە ئاڤێ و د ئەنجامدا مام و
برازایەک خەندقینە،پشتی
رزگارکرنا سێ کەسان وی بخۆ ژیانا خۆ ژ دەستدا.
بێوار عەبدولعەزیز پەیڤدارێ
پۆلیسێن بەڕەڤانیا باژێری ل پارێزگەها دهۆکێ بۆ ئێن ئاڕ تی ڕاگەهاند، پێنچ کەس
کەفتبوون ئاڤێ، وەلاتیێن ل وی جهی ئامادە سێ کەس رزگارکرینە و و تەرمێ ئێک ژ وان
ژی د ژ ئالیێ وەلاتیان ئینایە دەر یێ دی ژی ژ ئالیێ تیمێن نقومڤانان هاتیە دەرئێخستن.
بەحسا
وێیەکێ ژی کر، هەردوو کەسێن ژیانا خۆ ژ دەستدای مام و برازانە، و ل دەستپێکێ مامی
سێ کەس ژ وان هەر پێنجان رزگارکرینە و پشترا و پشتی بزاڤا رزگارکرنا برازایێ خۆ یێ
١٦ سالی ئەو هەردوو کەسە خەندقین.
ئاماژە
ب وێیەکێ ژی کر، کو هەردوویێن خەندقین خەلکێ دهۆکێ نە و مام و برازانە مام د ژیێ
٤٠ سالیێ دایە و خێزاندارە و برازا ژی د ژیێ ١٦ سالیێ دایە.
ئەڤرۆ
ل دەمژمێر ٣:٣٠ ئێڤاری چەند کەس ل گوندکۆسە ل سەر خابیری کەفتینە ئاڤێ و پشتی
تیمێن نوقیمڤانێن زاخۆ گەھشتینە جھێ بویەرێ ب بورینا ١٠ خۆلەکان ئەو کەسە ھاتە
دەرئێخستن کو بەری تیمێن وان بگەهن وەلاتیان تەرمەک ئینابوو دەرێ ژ ئاڤێ.
ل دەستپێکەها مەها ئێک یا ئەڤسالە
و هەیا نها ل سنورێ پارێزگەها دهۆکێ ١٢ وەلاتی د ئاڤێ دا خەندقینە و ٣٣ کەس ژی ژ
مرنێ هاتینە رزگارکرن.