سەرنووچە:

بەغدا دێ ڤێ رێژا بەنزینێ رۆژانە بۆ هەرێمێ هنێریت

PM:12:46:21/08/2021

2120 جار خوێندراوەتەوە

+ -

ئاژانسا نووچەیێن عێراقیڕاگەهاند، حکومەتا عێراقێ رۆژانە دێ برێژا ئێک ملیۆن لیتر بەنزین بۆ هەرێما کوردستانێ هنێریت و بهایێ بیترەکێ ژی دێ بیتە ٦٥٠ دینار.


ئەڤرۆ شەمبیێ ، ئاژانسا نووچەیێن عێراقێ بەلاڤکریە، کەمال ئەتروشی، وەزیرێ سامانێن سورشتی یێن حکومەتا هەرێما کوردستانێ ئاماژە ب وێیەکێ کریە کو ژ ئەڤرۆ پێدا وەزارەتا پەترۆلا عێراقێ رۆژانە ئێک ملیۆن لیترێن پەنزینێ دێ بۆ هەرێما کوردستانێ فرێکەت.


ل گۆرەی وێ ئاژانسێ، وەزیرێ سامانێ سروشتی بەحس ل جڤینا دگەل وەزیرێ پەترۆلا عێراقێ کریە و دجڤینێ دا ل سەر وێیەکێ ل هەڤهاتنە کو ژ ئەڤرۆ پێدا وەزارەتا پەترۆلا عێراقێ ئێک ملیۆن لیترێن پەنزینێ روژانە بهێنریت بۆ هەرێما کوردستانێ.


ئەتروشی دیارژی کر، بهایێ ئێک لترا پەنزینێ ل هەرێمێ ب ٦٥٠ دیناران دێ هێتە دیارکرن و ئەو بخۆ دێ سەرپەرشتیا پارڤەکرنا پەنزینا هنارتیا عێراقێ کەت بۆ وێستگەهێن پارڤەکرنێ ل هەرێما کوردستانێ.


وەزیرێ سامانێن سروشتی یێن هەرێمێ دیدار و جڤینێن دگەل وەزیرێ پەترۆلا عێراقێ ب بەرهەمدار ناڤبر و ئاماژە ب وێیەکێ ژی کر کو ل سەر پارڤەکرنا پەترۆلا سپی ل سەر وەلاتیێن هەرێما کوردستانێ رێکەفتینە.


تەکەز ژی ل وێیەکێ کر کو د زڤستانا داهاتی دا چ خێزانەکا کورد نامینیت پەترۆلا سپی وەرنەگریت.

 

گەلەری