PM:12:25:21/08/2021
1696 جار خوێندراوەتەوە
+
-
بەلاڤبوونا گرتەیەکا ڤیدیۆیی رادەستکرنا زارۆکەکێ ساڤا یێ ئەفغانستانێ ژ
ئالیێ دایک و بابێن وی د ناڤ سیمێ بالەفرخانا
کابۆل ب هێزێن ئەمریکا تورێن کۆمەلایەتی دا
بەلاڤبووی کارڤەدانەکا زۆر ل دویف خو ئینا.
جەیمس ستینجەر، پەیڤدارێ هێزێن دەریایی یێن ئەمریکا دەربارەی چارەنڤیسێ
زاروکێ ساڤا ڕاگەهاند، "رەوشا تەندروستیا زارۆکی یا باشە و د گەل دەیک و باب
و خێزانا خۆ دا ئێکگرتیە".
ئاماژە ب وێیەکێ ژی کریە، پشتی وەرگرتنا زارۆکی ژ دایک و بابێ وی هاتیە
ڤەگەهاستن بۆ یەکەیا نوژداری یا تایبەت یا هێزێن ئەمریکا و چاڤدێری بۆ هاتیە کرن.
جەیمسی ئەوژی دا دیار کرن، زارۆک دگەل دەیک و بابێ خۆ دایە نها ل جهەکێ
ئارامێ بالەفرخانەیێ دایە.
پشتی کو هێزێن ئەمریکا ل ئەفغانستانێ خۆ ڤەکێشای، خەلکێ وی وەلاتی بەرەڤ
بالەفرخانەیا حامید کارزای ل کابۆلا پایتەخت چوونە بۆ وێیەکێ کۆچ بۆ دەرڤەی وەلاتی
بکەن و ل ژێر دەستێ بزاڤا تالیبان دا نە مینن و د چەند گرتەیەکێن دی دا دەیک و باب
دەردکەڤن کو زارۆکێن خۆ ب سەر دیوارەکێ سیمەکری دا رادەستی هێزێن ئەمریکا دکەن.
ئەڤە د دەمەکی دایە، د دەستپێکا مەها تەمموزا دەربازبووی ، ب بریارەکا
سەرۆکێ ئەمریکا هەمی هێزێن وی وەلاتی ژ ئەفغانستانێ خۆ ڤەکێشان و بزاڤا تالیبان
دەست ب شەری کر و زوربەیا باژێران کونترولکرن و دەست ب سەر کابولا پایتەخت و کوچکا
سەرۆکایەتیا دا گرت و حکومەتا ئەفغانستانێ هاتە هەلوەشاندن و سەرۆکێ وی وەلاتی بەرەڤ تاجیکستانێ رەڤی و نها ژی
ئاکنجیێ ئیماراتە.
