AM:10:57:21/08/2021
904 جار خوێندراوەتەوە
+
-
پشتی وێیەکێ ٣٥ کۆچبەرێن کورد خواستبوون ژ
تورکیا خۆ بگەهیننە کەنارێن ئیتالیا، لێ بسەدەما خرابیا سەقای و تێکچوونا ماتۆرا
بەلەما وان، ب نەچاری خۆ گەهاندبوون گزیرتەیەکا یۆنان و د گرتەڤیدیۆیەکێ دا داخازا
ب هەوارچوونێ کرن و ئەڤرۆ هاتنە رزگارکرن.
هەلگورد عومەر نووچەهانێ ئێن ئاڕ تی ڕاگەهاند ژی، ئەو ٣٥ کۆچبەرە ل
گزیرتا لارۆس ل یۆنانێ ئاسێ مابوون، لێ دنهادا هاتنە رزگارکرن و برینە کەمپەکا
داخستی بۆ گزیرتا کوس.
بەحس ل وێیەکێ ژی کر، کۆچبەر ژ ٣٥ کەسان پێکهاتینە و چار زارەکێن خار تەمەن
شەش سالژی تێدایە و هەمی کوردن.
پەیامنێرێ ئێن ئاڕ تی ئەوژی گوت، دەمەکە سەقایێ ناڤبەرا تورکیا و یۆنان و
ئیتالیا تێکچوویە و ئەڤةژی سەدەمێ تێکچوون و نقومبوونا گەلەک ژ بەلەمێن
پەنابەرانە.
دوهی ژی، ئاری جەلال سەرۆکێ دەزگەهێ لوتکە بۆ کاروبارێ ئاوارە و پەنابەران
ڕاگەهاند، ب تنێ د ئەڤ سالدا ٣٥ هزار عێراقی داخازا مافێ پەنابەریێ ل وەلاتێن
ئەورۆپا کریە ژ وێ رێژێ زێدەتر ژ ٧٠% خەلکێ هەرێما کوردستانێ نە.
ڕاگەهاندژی، رێژەیەکا گەلەک ژ کۆچبەران ل وەلاتێن تورکیا و لیتوانیا د
رەوشەکا خرابدانە و پشکەک ژ وان ژی د ناڤ زیندانا دا بێ سەروشینن.
روژا ٢٢ی مەها دەربازبووی، بەلەمەکا
کۆچبەران کو هەمی سەرنشینێن وێ کوردبوون وەرگەریا و تا نها ژی ١٢ کۆچبەر ژی بێ
سەروشینن.
د دەمێ چەند حەفتیێن دەربازبووی دا، دیمەن گرتەیێن ڤیدیۆیێن هەژمارەک ژ
گەنجێن کورد و عێراقێ ل سەر سنورێ بیلاروسیا – لیتوانیا کو د رەوشەکا خرابدابوون
بەلاڤ ب بوو.
سالانەژی، گەلەگ ژ وەلاتێن رۆژهەلاتا ناڤەراست، ئەفریقیا و ئاسیا هەژمارەکا
گەلەک ژ خێزان و گەنجێن وان وەلاتان بەرەڤ وەلاتێن دی ب تایبەت وەلاتێن ئەوروپا کۆچ
دکەن، شارەزاژی سەدەمێ کۆچا وان وەلاتیان بۆ کێمیا رێژا خزمەتگوزاریێن
دەستپێکی، نەبوونا دەرفەتێن کاری، نە جێگیریا رەوشا سیاسی و ئابوری و حوکمرانیێ
ڤەدگەرینن.