PM:06:21:03/08/2022
2112 جار خوێندراوەتەوە
+
-
ل نێزیک دەمژمێر ٦ی ئێڤاری دوو جاران بارگەهێ میتا تورکیا ل کۆمەلگەها سیریێ یاگرێدای ناحیا شێلادزێ ب چەکێ گران هاتە تۆپبارانکرن .
ل گوری ئاخفتنا هند ژ شاهد حالان کو بۆ ئێن ئاڕ تی ڕاگەهاندیە، ل کومەلگەها سیریێ دوو جاران بارگەهێ میتا تورکیا ب جورە چەکەکی هاتە تۆپبارانکرن، دبێژن ژی، دەنگێن ب هێز ژ وێ تۆپبارانکرنێ هاتنە گوهلێبون لێ چ ئاگرەک ب دەردورا بارەگەهێ نەکەفتیە وناهێتە زانین چ زەرەر لدویف خۆ هێلاینە .
پشتی وان تۆپبارانان ئارتێشا تورکیا چەندین جاران تۆپبارانا دەردورێن گوندێ سەروکانیێ کرن ل رێزا گوندێن زێباریان ل باشورێ روژئاڤایێ ناحیا شێلادزێ .
دهەیاما شەش مەهێن دەربازبوی دا نێزیکی چار جاران بارگەهێ میتا تورکیا ب چەکێن گران هاتیە تۆپبارانکرن وهند جاران ژی پەکەکێ د چاپەمەنیێن خۆدا ئەو بۆمبەباران ب ستویێ خۆڤە گرتینە وڤیدیوژی بەلاڤکرینە.