PM:10:11:13/05/2022
1092 جار خوێندراوەتەوە
+
-
ئەڤرۆ جارەکا دى ئاڕتێشا تورکیا دەڤەرێن گرێدایى قەزا ئامێدیێ کو نزیکی
جهێن ئاکنجیبوونا وەلاتیانە بۆمبەبارانکرن، هێزێن پاراستنا گەل هەپەگەژی دبێژیت،
سێ سەربازێن ئاڕتێشا تورکیا ل دەڤەرا زاب و ئاڤا شین کوشتینە و ئاڕتێشا تورکیا ژی
ژیان ژ دەستدانا ١٠ گەریلایان ڕاگەهاند.
نیهاد ئورەماری نووچەگەهانێ ئێن ئارتى ل ئامێدیێ ڕاگەهاند ، ئەڤرۆ جارەکا
دی ئاڕتێشا تورکیا ب بالافڕ و تۆپخانەیان هند دەڤەرێن گرێدایى قەزا ئامێدیێ بۆمبەبارانکرن
، لێ هێشتا ژى زەرەرێن شەڕی نەهاتینە ئاشکراکرن .
دەربارەی هێرشان ژی هەپەگێ ڕاگەهاند، ئەڤرۆ سێ سەربازیێن ئاڕتێشا تورکیا
ل دەڤەرێن زاب و ئاڤا شین ل هەرێما کوردستانێ کوشتینە.
هەڤدەم، وەزارەتا بەرەڤانیا تورکیا ژی بەلاڤکریە، ددەمێ ٤٨ دەمژمێرێن
دەربازبووی دا، ١٠ گەریلایێن پەکەکێ ل دەڤەرێن ئاڤا شین، باسیان و زاپێ ل هەرێما
کوردستانێ د ئەنجامێ شەڕی و بۆمبەبارانکرنا بالەفڕێن بێ بالەفڕڤان دا هاتنە
ئارمانجگرتن.
ژ ئالیەکێ دی ڤە، رەجەب تەیب ئەردوغان سەرۆک کۆمارێ تورکیا ژى ئەڤرۆ ڕاگەهاند
، پەکەکە و یەپەگە ئێک ئارمانجا وان هەیە و گرێدای هەڤدوونە، دبێژیت ژی، نابیت ئەم
ڤێ شاشیا ئەمریکا قەبوول بکەین کو دخازیت چالاکیێن ئابووری ل رۆژئاڤایێ کوردستانێ
بهێنەکرن.
گوت ژی، دێ ئۆپەراسیۆن و هێرشێن وان بۆ سەر پەکەکێ و هێزێن گرێدایی وێ
ل سوریا و عێراقێ بەردەوام بن.
ئەڤە ددەمەکێ دایە، ل شەڤا ١٧ لسەر ١٨ی مەها دەربازبووی ئاڕتێشا تورکیا ئۆپەڕاسیۆنەک بناڤێ "پەنجا قفل"
بۆ سەر دەڤەرێن سنورێ قەزا ئامێدیێ کو پێکدهاتن ژ "چیایێ لینکی، چیایێ
کوڕەژار، چیایێ مام ڕەوشا) کو ل هەمبەر باژێرێ ئامێدیێ ل زنجیرا چیایێ مەتینا
درێژدبیت هەیا دگەهیتە گەلیێ بالندا و بڤێ ژی تورکیا چەندین خالێن خۆ ل وان جها
دانان و نها دبن کۆنترۆلا وان دانە.