PM:03:05:10/05/2022
772 جار خوێندراوەتەوە
+
-
ل نێزیک دەمژمێر ئێکی نیڤرۆ دوو جاران بارەگەهێ میتا تورکیا هاتە بۆمبەبارنکرن و ئارتێشا تورکیا ژی ئەو دەڤەرا بەرامبەر بارەگەهی تۆپبارانکرن .
ئێک ژ وەلاتیێن ناحیا شێلادزێ بو ئێن ئاڕ تی دا دیارکرن، دوو جارا بارەگەهێ میتا تورکیا ب جورە چەکەکی هاتە بۆمبەبارانکرن، ل کۆمەلگەها سیریێ، د دویڤدا ئارتێشا تورکیا نێزیکی ١٥ توپان ل چیایێ بەرامبەر بارەگەهێ خۆ داینە، کو نێزیکی گوندێ سارکێ بوو لێ هەیا نها زەرەر ناهێنه زانین .
ئەڤ بۆمبەبارانە ددەمەکیدانە دوهی ژی دوو جارا بارەگەهێ میتا تورکیا هاتبو بۆمبەبارانکرن.
هەڤدەمێ ڤێ هێرشێ، دوهی ناڤەندا ڕاگەهاندن و چاپەمەنیا هەپەگێ ڕاگەهاند، گەریلایێن وان ل هەر ئێک ژ دەڤەرێن زاپ و ئاڤاشین و خواکورکێ چالاکی ل دژی سەربازێن تورکیا ئەنجامداینە و ب وێ سەدەمێ ژی ١٣ سەرباز هاتینە کوشتن و ئێکێ دی ژی برینداربوویە.
ئەڤە ژی د دەمەکیدایە، ل داویا مەها دەربازوویی ئارتێشا تورکیا هێرشەکا بەرفرەها ئەسمانى و ئەردی ب ناڤێ پەنجا - قوفل ل دژى گەریلایێن پەکەکێ ئەنجامدا، بۆ دەما حەفتیەکێ شەڕێن دژوار د ناڤبەرا هەردوو ئالیان دا ڕوویدان و ژ هەردوویان قوربانیێن گیانی هەبوون.