PM:12:36:18/12/2021
620 جار خوێندراوەتەوە
+
-
پشتی کو دوهی، شڤانەک ل باژێرێ هەولێرێ لەهیێ بری و نەهاتیە دیتن، بابێ وی گەنجی دبێژیت، "کوڕێ من شڤان بوو و ژ هەژاری و بێ کاری مە ئەو کارە کریە".
ئومێد نامق یێ ناڤدار ب "گەنجۆ"؛ گەنجەکێ ١٨ سالیە؛ کارێ وی شڤانی بوو، شەڤا دەربازبووی ددەمەکیدا ڤیایە سەرەدانا پەزێ خۆ بکەت، لەهیێ بریە و هەیا نها نە هاتیە دیتن.
دەربارەی بزاڤێن بۆ دیتنا تەرمێ کوڕێ وانا، بابێ گەنجۆی گوت، "هەیا نها ئالیێن پەیوەندیدار و تیمێن ب د هەوار چوونێ حکومەتا نەهاتینە ڤێرێ بۆ وێیەکێ لدویف تەرمی بگەڕیێن".دبێژیت ژی، "مە بخۆ، خزمێن مە و کەسوکارێن مە، جیرانێن مە و خەلکێ دی لدویف تەرمی دگەڕیێن و هێشتا مە نەدیتیە".
بابێ وی شڤانی دبێژی، "مە ژ هەژاری ئەڤ کارە کریە، کەس د هەوارا مە نەهاتیە، کوڕێ مە چ کارێن دی نەبوون، ماتۆرسکلەک ڤێ بوو و چاڤدێریا پەزێ خۆ دکر".
ئەڤە د دەمەکێ دایە، شەڤا پێنج شەمبی لسەر ئەینی، بسەدەما بارانەکا بهێز؛ لەهی ل بەشەک ژ تاخێن هەولێرێ دروستبوو و ب وی سەدەمی ژی هەیا نها ١٢ کەسان ژیانا خۆ ژ دەستدا کو زارۆیەکێ شیرخۆر و دوو کرێکارێن بیانی دناڤدابوو، و زیانەکا مەزنا ماددی ژی ب سەدان مال و بازاڕ و ترۆمبێلێن وەلاتیان کەفتیە.
هەڤدەم، بابێ وی گەنجێ شەڤا دەربازبووی ل ناحیا تەکیە کەفتیە ناڤ ئاڤێ و خەندقی بۆ ئێن ئاڕ تی ڕاگەهاند، "سپێدەهیا ئەڤرۆ تەرمی وی هاتیە دیتن".