AM:09:59:18/12/2021
380 جار خوێندراوەتەوە
+
-
بابێ وی گەنجێ شەڤا دەربازبووی ل ناحیا تەکیە کەفتیە ناڤ ئاڤێ و خەندقی بۆ ئێن ئاڕ تی ڕاگەهاند، "سپێدەهیا ئەڤرۆ تەرمی وی هاتیە دیتن".
ئەڤرۆ شەمبی، بابێ "رامیار بەختیار" بۆ ئێن ئاڕ تی ڕاگەهاند، سپێدەهیا ئەڤرۆ سێ کیلۆمەتران ژ دوویری وی جهی کوڕێ وی کەفتیە ناڤ ئاڤێ تەرمێ وی دیتیە.
ئاماژە ب وێیەکێ کریە، پشتی گەڕیانەکا زێدە کارینە تەرمێ وی ببینن.
بەریا نها، ئیبراهیم ئەحمەد سەرۆکێ باژێرڤانیا تەکیە بۆ ئێن ئاڕ تی ڕاگەهاند، گەنجەک دگەل چەند هەڤالێن وی چووینە دەرڤەی ناحیێ بۆ سنورێ تەکیە یا کەڤن و کەفتیە ناڤ ئاڤێ و خەندقیە.
ئەشکەراکر، گەنج ب ناڤێ رامیار بەختیارە و ژیێ وی ١٨ سالن.
ئەڤە د دەمەکێ دایە، شەڤا پێنج شەمبی لسەر ئەینی، بسەدەما بارانەکا بهێز؛ لەهی ل بەشەک ژ تاخێن هەولێرێ دروستبوو و ب وی سەدەمی ژی هەیا نها ١٢ کەسان ژیانا خۆ ژ دەستدا کو زارۆیەکێ شیرخۆر و دوو کرێکارێن بیانی دناڤدابوو، و زیانەکا مەزنا ماددی ژی ب سەدان مال و بازاڕ و ترۆمبێلێن وەلاتیان کەفتیە.