PM:09:39:04/12/2021
580 جار خوێندراوەتەوە
+
-
ڤەلڤینا نەوەی نوێ ڕاگەهاند، حکومەتا نها یا
هەرێما کوردستانێ شکەستن خاریترین حکومەتە ژ هەمی روویانڤە.
رێبوار ئەوڕەحمان بەربژێرێ هەلبژارتی یێ
نەوەی نوێ بۆ پەرلەمانێ عێراقێ دبێژیت، "پێشمەرگە بێ خزمەت و بێ چەکە، دوکاندار
و کاسبکار باجەکا زۆر و پارەیێ زۆر لێ دهێتە ستاندن، خواندەکار بێ دەرماڵەیە،
دەرچوویێ زانکۆیێ بێ کارە، فەرمانبەر بێ مووچەیە".
رێبوار ئەوڕەحمان دبێژیت ژی، "دزی و
گەندەڵی د لوتکەی دایە، خزمەتگۆزاری سفرە و هەمی سێکتەر ژی داینە کەرتێ
تایبەت".
ڕاگەهاند ژی، "ئەڤە بەردەوام نابیت و
چەند مەهـ ماینە بۆ تەمامبوونا دەمێ ڤێ حکومەتێ و وەرگرتنا حکومەتێ ژ ئالیێ نەوەی
نوێ ڤە د هەلبژارتنێن داهاتی دا".
د ڤێ هەلبژارتنا پەرلەمانێ عێراقێ دا نەوەی
نوێ نەهـ کورسیێن پەرلەمانێ عێراقێ بدەستڤە ئینان، بوویە هێزا دووێ لسەر ئاستێ
هەرێمێ و چاڤێ وێ لێیە د هەلبژارتنێن پەرلەمانێ کوردستانێ دا ببیتە هێزا ئێکێ و
بەرپرسێن نەوەی نوێ دبێژن، ئەگەر بتنێ ١٠%ێ زێدەتر خەلکی نەرازی بچوونایە دەنگدانێ
نها دا بیتە هێزا ئێکێ یا هەرێمێ و پارتی ژی دابیتە هێزا دووێ.