PM:08:39:04/12/2021
1020 جار خوێندراوەتەوە
+
-
جێگرێ سەرۆک ئەرکانی ل وەزارەتا پێشمەرگەی
ڕاگەهاند، لسەر کێمتەرخەمیا ل سەنگران ل چەند رۆژێن دەربازبوویدا ژمارەیک فەرماندە
لسەر کاری هاتن لادان، دبێژیت ژی، "داعش نها چەکێ پێشکەفتی هەیە هەیا درۆن ژی
هەیە".
قارەمان کەمال جێگرێ سەرۆک ئەرکان ل وەزارتا
پێشمەرگەی د تاوتوێیا ئێن ئاڕ تی دا ڕاگەهاند، داعش ب داوی نەهاتیە و نها بهێزن و
ل وان دەڤەران لڤینان دکەن کو ڤالاتیا ئەمنی هەیە، دبێژیت ژی، "هەیا ڤالاتیا
ئەولەهیێ هەبیت مەترسی دێ بۆ سەر سەنگەران بەردەوام بیت".
ئاماژە ب وێیەکێ ژی کر، "بەریا نها مە
گوتیە فەرماندەیێن خۆ کو داعش دێ هێرشێ کەت و کەمتەرخەمی ل فەرماندەیێن سەنگەران
هەبوو کو نەشیان هایداری لڤینێن داعش بن".
ڕاگەهاند ژی، لسەر کێمتەرخەمیا ل سەنگەران ل
چەند رۆژێن دەربازبووی دا ژمارەیەکا فەرماندەیان لسەر کاری هاتینە لادان، گوتیە
ژی، "بودجەیێ لڤینێن سەربازیێ یێن وەزارەتا پێشمەرگەی هایتە بڕین ژبەر وێیەکێ
نەشێن سەنگەران چێکەن".
دبێژیت ژی، "هەڤکاریا ماددی یا داعش
دهێتەکرن ئەگەر نە نەشێن ڤان جورێن چەکا و کەرستەیێن سەربازی بینن و ژناڤ سەنگەرێن
سوپایێ عێراقێ دهێتە ناڤ سەنگەرێن پێشمەرگەی".
قارەمان کەمال ئەو ژی گوت، "هێزێن
عێراقێ بڤین هێرشێ ئەنجامبدەن سێ رۆژ بەریا وێ داعش دزانیت، دەڤەرێ چول دکەن و
پشترە دهێنەڤە".
بەحسا وێیەکێ ژی کر، "عێراق هەڤکاریا
پێتڤی یا هێزێن پێشمەرگەی ناکەت و ئەو تەقەمەنی و کەرەستەیێن سەربازی یێن عێراقێ
بۆ مە دهنێرن تێرا فەوجەکێ ناکەت".
زەلال ژی کر، "پێتڤیێن سەربازیێن
پێشمەرگەی سنوردارن و ئاریشە بۆ وان دروست کرینە"، دبێژیت ژی، "چار
مەهان بەریا نها مە داخازا چەکی و تەقەمەنیان ژ سەرۆکایەتیا هەرێمێ کریە".
جێگرێ سەرۆک ئەرکانی بەحسا وێیەکێ ژی کریە، "مە داخازا درۆنان کریە لێ
سوپایێ عێراقێ رێگربوویە لهەمبەر دابینکرنێ".
ئەو ژی د دەمەکێ دایە، شەڤا
دەربازبووی داعش هێرشی سەر گوندێ خدرجیجەیا سنورێ قەرەچۆغ کر و ل گۆر گوتنا
پارێزگارێ هەولێرێ، ١٣ پێشمەرگە و وەلاتی شەهیدبوون و بریندارژی هەنە.
سپێدەهیا ئەڤرۆ ژی، وەزارەتا
پێشمەرگەی گوت، "خوینا شەهیدێن مە ب هەروەناچیت و تیرۆرست و ئەوێن پشتەڤانیا
وان دکەن دڤێت باجەکا مەزن بدەن".
ل شەڤا ٢٧ی مەها دەربازبووی ژی، ل
ناحیا کولەجۆ ل دەڤەرا گەرمیان داعش هێرشکرە سەر سەنگەرێن پێشمەرگەی و د دەمەکێ دا
هەڤکاری بۆ هێزێ چوویە بۆمبەک ب ترۆمبێلا وان ڤە تەقیایە و پێنج پێشمەرگە
شەهیدبوون و چارێن دی ژی برینداربوون.