PM:05:10:04/12/2021
596 جار خوێندراوەتەوە
+
-
وەزیرێ دەرڤەیێ ئەمریکا ڕاگەهاند، وەلاتێ وی
هەست ب دلگرانیێ دکەت دەربارەی زێدەبوونا وان هێرشێن داعش ل ڤان دوماهیا ل عێراقێ
ئەنجامددەت، دبێژیت ژی، دێ بەردەوامبین لسەر پشتەڤانیکرنا پێشمەرگە و سوپایێ
عێراقێ.
ئەنتۆنی بلینکن وەزیرێ دەرڤەیێ ئەمریکا بەحسا
وێیەکێ ژی کریە، وەلاتێ وی د دلگرانیێ دایە ب تایبەتی پشتی بوویەرێن شەڤا ٢ی ڤێ
مەهێ ل گوندێ خدرجیجە کو تێدا، ١٣ پێشمەرگە و وەلاتی شەهید بوون.
ڕاگەهاندیە ژی، وەلاتێ وی دێ بەردەوامبیت
لسەر پشتەڤانیکرنا پێشمەرگە و هێزێن ئەولەهیا عێراقێ وەکی بەشەک ژ بزاڤێن وەلاتێ
وی بۆ نەهێلانا داعش.
شەڤا پێنجشەمبیا حەفتیا دەربازبووی، داعش هێرشکرە
سەر گوندێ خدرخیجەیێ سنورێ قەرەچووغ و ١٣ پێشمەرگە شەهیدبوون.
د شەڤا ٢٧ی مەها دەربازبووی ژی، ل ناحیا
کولەجۆیا گەرمیان داعش هێرشکرە سەر سەنگەرێن پێشمەرگەی و د دەمەکێ دا هەڤکاری بۆ هێزێن پێشمەرگەی
چوبوو بۆمبەکا چاندی ب ترۆمبێلا پێشمەرگەی ڤە تەقیا و پێنج پێشمەرگە شەهیدبوون و
چارێن دی ژی برینداربوون.
ل ٢٩ی مەها دەربازبووی ژی دا، ل سنورێ کفری ژ
ئالیێ چەکدارێن داعش ڤە هێرشی سەر هێزێن پێشمەرگەی هاتەکرن و د ئەنجامدا دوو
پێشمەرگەی شەهیدبوون و سێ پێشمەرگەیێن دی ژی برینداربوون.