AM:10:36:04/12/2021
280 جار خوێندراوەتەوە
+
-
ل ئەنجامێ هێرشەکا چەکدارێن داعشێ بۆ
سەرپێگەهەکێ سەربازیێ سوپایێ نایجیریا نزیکی سنورێن کامیرۆن حەفت سەربازێن وی
ولاتی هاتنە کوشتن.
ئاژانسا نووچەیا فرەنسا بەلاڤکریە، چەند
چەکدارێن گرۆپێ داعش ب تڕۆمبێلێ کو چەکێ گران لسەربوویە هێرش کریە سەر بنگەهەکێ
سەربازی ل باژێرێ (ران ) ل نایجیریا ل هندەک سنوران دگەل ولاتێ کامیرۆن.
ئاماژە ب وێ ژی دایە، د ئەنجامێ بەرسڤدانێ ژ
ئالیێ سوپایێ نایجیریا ڤە لێکدانەکا تووند ڕویدا.
ژێدەرەکێ سەربازی بۆ ئاژانسا نووچەیا فرەنسا
ڕاگەهاندیە، "هێزێن نایجیریا شیاینە بەرسڤا هێرشا چەکداریا داعشێ بدەن، لێ
حەفت سەرباز لێ هاتنە کوشتن.
دبێژیت ژی، ژبەر وێ هێرشێ پشکەک ژ ئاکنجیبێن
وی باژێری نەچاربوون مالێن خۆ چۆل بکەن و ئاوارە ببن.
ئەڤە د دەمەکیدایە، بۆ دەمێ چەند مەهانە، گرۆپێ
چەکداریێ داعشێ ل عێراق و ئەفغانستان و نایجیریا و چەند ولاتێن دی کو لق و چەکدار
هەنە چالاکیین خۆ ب ئاوایەکێ بەرچاڤ زێدەکرینە.
شەڤا دەربازبووی ژی، ڕێڤەبەرێ ناحیا قەرەتەپە
یاسەر ب قەزایا خانەقین ڤە بۆ ئێن ئاڕ تی ڕاگەهان، داعشێ هێرش کریە سەر سوپایی
عیراقێ و ژئالیێ سوپای ڤە بەرسڤا وان هاتیە دان و چ زەرەر نەبووینە.
شەڤا بەری وێ ژی داعشێ هێرش کرە سەر گوندێ
خدرجیجە یێ سنورێ قەرەچووغ و نێزیکی ١٣ پێشمەرگە و ولاتی شەهید بوون.
ڤدەم، دوهی سپێدێ ژی
وەزارەتا پێشمەرگەی گۆت، "خوینا شەهیدێن مە بهەدەر ناچیت و تیرۆرست و ئەوێن
پشتەڤانیا وان دکەن، دڤێت باجێن مەزن بدەن".
ل شەڤا ٢٧ ێ مەها دەربازبووی
ژی، ل ناحیا کولەجۆیا گەرمیان داعشێ هێرشکرە سەر سەنگەرێن پێشمەرگەی و بوومبەیەک ب
تڕۆمبێلەکا پێشمەرگەیانڤە تەقی و ب وێ سەدوەمێ ژی پێنج پێشمەرگە شەهید بوون و چار
ژی بریندار بوون.
هەڤدەم، ل ٢٩ ێ مەها دەربازبوی
ژی، ل سنورێ کفری ژئالیێ چەکدارێن داعشێ ڤە هێرش کرە سەرهیزێن پێشمەرگەی و دئەنجامێ
هێرشێ دا ژی دوو پیشمەرگە شەهید بوون و سێ یێن دی ژی بریندار بوون.
وەزارەتا پیشمەرگەی ژی
دبێژیت، "دڤێت چاڤێن هێزێن مە ڤەکری تربن و ب پلانێن نوی یێن جەنگی سەنگەرێن
خۆ قایم بکەن".
گرۆپێ چەکداریێ داعشێ
ل سالا ٢٠١٤ ێ شیان زۆرترین ڕووبەرێن هەردوو ولاتێن عیراقی و سوریا بگرن، پشترا ب
هاریکاریا ئەمریکا و هێزێن هەڤپەیمانێن نێڤ دەولەتی یێن دژی داعشێ ل سالا ٢٠١٧ ێ
حکومەتا عێراقێ شکست پێ ئینانا گرۆپێ چەکداریێ داعشێ ل خاکا خۆ ڕاگەهاند.