AM:12:00:04/12/2021
2440 جار خوێندراوەتەوە
+
-
ژبەر سەرما و دوو گیانیێ
و پشتی زێدەتری ٢٠ رۆژێن مانا د نەخۆشخانەیەکا پۆلەندا؛ ئەڤێن عیرفان کو خەلکا باژێرێ
زاخۆیە ژیانا خۆ ژ دەستدا.
بابێ ئەڤین عیرفانێ بۆ
ئێن ئاڕ تی ڕاگەهاند، بەریا دەمەکێ کێم نەخۆشخانەیا پۆلەندا ئەو هایدارکرینە کو
کچا وان وەغەرا داویێ کریە.
دیار ژی کر، بەریا زێدەتری
٢٠ رۆژان ژبەر سەرما و نەخۆشی و دوو گیانیێ زارۆکێ وێ ئافرەتێ بەریا بهێت دونیایێ
مربوو ب نەشتەرگەریێ چارەسەریا وێ هاتبوو کرن، هەر ئەو ژی ببوو سەدەمێ خراب بوونا
گۆرچیسکێن وێ.
بەحسا وێیەکێ ژی کر، ئەو
چاڤەرێ دکەن ب رێکا یۆ ئێنێ تەرمێ وێ ڤەگەریننە کوردستانێ.
ئەڤین عیرفان خەلکا
باژێرێ زاخۆیە و دایکا پێنج زارۆکانە، چەند مەهان بەریا نها دگەل زارۆک و هەڤژینێ
خۆ چوبوونە بیلاروسیا و ژوێ رێ ژی بمەرەما گەهشتنا وەلاتێن ئەورۆپی گەهشتبوو پۆلەندا.
وەحید سندی