PM:03:35:31/10/2025
124 جار خوێندراوەتەوە
+
-
سەرۆک وەزیرێن عێراقێ
دبێژیت، دەرگەهێ عێراقێ ب ئارمانجا وەبەرئینانێ و پێشخستنێ بۆ کۆمپانیێن جیهانێ یێ
ڤەکریە، بتایبەت بەریتانیا.
ئەڤرۆ ئەینی، لدویف
راگەهاندنەکا نڤیسینگەها محەمەد شیاع سودانی، سەرۆک وەزیرێن عێراقێ، شەڤا دەربازبووی
د پەیوەندیەکا تەلەفۆنی دا سودانی و ئێڤێت کۆپەر، وەزیرێ دەرڤەیێ بەریتانیا، چەند
بابەتێن سیاسی و ئابووری گۆتۆبێژکرن.
د وێ راگەهاندنێ دا
هاتیە، تەوەرێ سەرەکیێ پەیوەندیا دناڤبەرا سودانی و کۆپەر، هەڤکاریێن هەڤبەش د
بوارێن ئابووری، بازرگانی، پێشڤەبرن، پڕۆژەیێن ژێرخانێ، بهێزکرنا رێککەفتننامەیان
و ل هەڤدووگەهشتنێن دناڤبەرا عێراقێ و بەریتانیا.
ئەڤەژی هاتیە کو سەرۆک
وەزیرێن عێراقێ تەکەز کریە، ژینگەها وەبەرئینانێ د عێراقێ دا بەردەوام پێشڤە دچیت
و لهەمبەر کۆمپانیێن جیهانێ یا ڤەکریە.