AM:10:35:29/10/2025
1484 جار خوێندراوەتەوە
+
-
مووچەخۆرێن هەرێمێ ل دوماهیا
هەیڤا ١٠، مووچەیێ هەیڤا هەشت وەردگرن و ئەڤرۆ ژی دابەشکرن دێ ب دوماهی هێت.
ئەڤرۆ چارشەمبی، لدویف
خشتەیێ مووچەیێ وەزارەتا داراییا هەرێمێ، دابەشکرنا مووچەیێ هەیڤا هەشت دێ ب دوماهی
هێت و وەزارەتێن کار و کاروبارێن جڤاکی، رۆشنبیری و لاوان، کارب، ئەوقاف و کاروبارێن
ئاینی، خاندنا بلند و ڤەکۆلینێن زانستی، سەرۆکاتیا پەرلەمانێ، سەرۆکاتیا جڤاتا
وەزیران، سەرۆکاتیا هەرێمێ و پێسمەرگە و یەکەیێن حەفتێ و هەشتێ، دێ مووچەیێن خۆ
وەرگرن.
هەروەسا، پۆلیسێن دام و
دەزگەهێن پەتڕۆلێ، جڤاتا ئاسایش و دەزگەهێ ئاسایشێ، هێزێن زێرەڤانێ و فەرماندەیێ
بەڕەڤانی و هەوارهاتنێ هەڤئاوایێ وەزارەتێن دی دێ مووچەیێ هەیڤا هەشت وەرگرن.
حکومەتا دەم بسەرڤەچووی
بەری نها ڕاگەهاندبوو ڕادەستکرنا پەتڕۆلێ لدویف وێ رێککەفتنا دگەل بەغدا ئیمزا کری،
تنێ بۆ سێ هەیڤانە و بۆ دەمێ هەلبژارتنێ یە، ب ڤێ ژی چارەنڤیسێ چەند مووچەیێن ئەڤ
سالە ب نەدیاری دێ مینیت.