PM:05:23:23/10/2025
692 جار خوێندراوەتەوە
+
-
کۆمسیۆنا
بلندا هەلبژارتنێن عێراقێ و لیژنەیا بلندا ئەولەهیا هەلبژارتنان، هژمارەکا رێکارێن
نوی بۆ هەلبژارتنا پەرلەمانێ عێراقێ ئەشکراکرن، ل رۆژا دەنگدانێ قەدەغەیا هاتن و چوونێ
ناهێتە بجهئینان و ئەنجام ژی ل رێکا هەیڤا دەستچێکری بۆ ناڤەندا سەرەکی دێ هێنە
ڤەگوهاستن.
ئەڤرۆ
پێنجشەمبی، قەیس مەحمەداوی، سەرۆکی لیژنەیا بلندا ئەولەهیا هەلبژارتنان، د
راگەهاندنەکێ دا تەکەز کر ل رۆژێن دەنگدانێ قەدەغەیا هاتن و چوونێ ناهێتە بجهئینان
و رێک ناهێنە دائێخستن و هاتن و چوونا دەنگدەران دناڤبەرا پارێزگەهان دێ ئاسایی
بیت.
ئاماژە ب وێ
یەکێ ژی کر، دەرازینکێن سنوری و بالەفر دێ ڤەکری بن ژ بۆ گەشتیاران و جاڤدێرێن
نێڤدەولەتی.
دەربارەی
میکانزمێن ڤەگوهاستنا ئەنجامان کۆمسیۆنێ گوت، کۆمسیۆنێ بەرهەڤیێن تەکنیکی کریینە بۆ
پاراستنا ئەنجامان ب پشت بەستن ب سیستەمەکێ نوی و ٤٠ هزار ئامیرێن پێشکەفتی بۆ جوداکرنا
دەنگان و ڤەگوهاستنا ئەنجامان هاتینە دابین کرن.
دبێژیت ژی،
ئەنجام ل رێکا هەیڤا (ثورەیا) راستەوخۆ بۆ ناڤەندێ سەرەکی ل بەغدا دێ هێنە
ڤەگوهاستن، ب بێ بکارئینانا چ تۆرێن عێراقێ.
هەڤدەم ب
ئاخفتنا عیماد جەمیل، سەرۆکی تیما راگەهاندنا کۆمسیۆنا هەلبژارتنان، ئامیران سیستەمەکێ
نوی یێ دائێخستی هەیە، کو پشت ب چ ئامیرێن دەرڤە نابەستیت.
دەربارەی
دەمێ راگەهاندنا ئەنجامان، کۆمسیۆنێ خشتەیەکێ دەمی بۆ هنارتنا دەنگان و راگەهاندنا
دەنگان دیاری کرییە و پێدڤیە د هەیاما شەش دەمژمێران پشتی داوی هاتنا دەنگدانێ،
ئەنجام بهێنە هنارتن بۆ ناڤەندا سەرەکی و هەروەها ئەنجامێن دەستپێکێ پشتی ٢٤
دەمژێران بهێنە راگەهاندن.
بەحسا وێ
یەکێ ژی کر، ناڤەندەکێ تایبەت بۆ هویربینی و جودا کرنا دەنگان ب دەستی و ئەلیکترۆنی
هاتیە دامەزراندن.