سەقاناسی: ئەڤرۆ و سوبەهی ل دهۆکێ باران دێ باریت

PM:12:42:21/10/2025

1224 جار خوێندراوەتەوە

+ -

سەقاناسیا هەرێمێ دبێژیت، ئەڤرۆ و سوبەهی ل چەند دەڤەرێن هەرێمێ باران بارین دێ ب ئاوایێ ناڤ ب ناڤ دەستپێکەت و ئەگەرێ بریسیان ژی ل دەڤەرێن چیایی هەیە ب تایبەت ل دهۆکێ.

ئەڤرۆ سێشەمبی، لدویف راپۆرتا رێڤەبەریا گشتی یا سەقاناسیا هەرێمێ، ئەسمان ب گشتی دناڤبەرا پارچە عەور و نیڤ عەور دا دبیت، و ل دهۆکێ و هەولێرێ و ئیدارەیا زاخۆ ئەگەرێ باران بارینێ و بریسیان هەیە.

سەقاناسیێ ئاماژە ب وێیەکێ ژی کر، پلەیێن گەرمێ نێزیک دبن ژ تۆمارکریێن دوهی بتنێ ل دەڤەرێن چیایی نەبیت.

دەربارێ سەقایێ سوبەهی چارشەمبیێ ژی، سەقاناسیا هەرێمێ دبێژیت، ئەسمان پارچە عەور و نیڤ عەور دبیت، ل پارێزگەها دهۆکێ و دەڤەرێن باکوور و باکوورێ رۆژئاڤایی دێ هێتە گۆهرین بۆ عەورێن تەمام دگەل بارینا بارانەکا هویر ل وان دەڤەران تا پشتی نیڤرۆ.

بلندترین پلەیێن گەرما پێشبینیکری ب پلەیا سیلیزی بڤی ئاوایی یە:

هەولێر: ٢٧ پلەیا سیلیزی

سلێمانی: ٢٧ پلەیا سیلیزی

دهۆک: ٢٦ پلەیا سیلیزی

زاخۆ: ٢٧ پلەیا سیلیزی

ئامێدی: ٢٥ پلەیا سیلیزی

ئاکرێ: ٢٧ پلەیا سیلیزی

کەرکوک: ٣٠ پلەیا سیلیزی

هەڵەبجە: ٢٨ پلەیا سیلیزی

سۆران: ٢٦ پلەیا سیلیزی

حاجی ئۆمەران: ١٩ پلەیا سیلیزی

گەرمیان: ٣١ پلەیا سیلیزی