PM:04:19:01/10/2025
76 جار خوێندراوەتەوە
+
-
کۆمسیۆنا
بلندا هەلبژارتنێ کۆمەکا رێنمایی بۆ بانگەشەیا هەلبژارتنا پەرلەمانێ عێراقێ بەلاڤکرن
و هەمی ئەو کارە بەرچاڤکرن کو هاتینە قەدەغەکرن د پرۆسەیێ دا، تەکەز ژی کر، دەرکرنا
فەرمانا دامەزراندنێ، پێدانا زەڤیان و دەرکرنا سوپاسنامەیان ل دەمێ بانگەشەیێ ب
بنپێکاری دهێنە دانان.
ئەڤرۆ
چارشەمبی، کۆمسیۆنا بلندا هەلبژارتنێن عێراقێ بەلاڤکر، بانگەشەیا هەلبژارتنێ ل وێ
رۆژێ دێ دەستپێکەت کو کۆمسیۆن ب فەرمی رابگەهینیت و ٢٤ دەمژمێران بەری دەنگدانێ دێ
ب داوی هێت.
گوت ژی، بکارئینانا
سازی و ئاڤاهیێن وەزارەتان، ترۆمبێلێن دەولەتێ، دروشم و وێنەیێن دەولەتێ و پارەیێ
گشتی بۆ بانگەشەیا هەلبژارتنێ ب هەمی ئاوایەکی قەدەغەیە و هەروەسا بانگەشە ل وان
بنکە و وێستگەهێن دەنگدانێ و ب دویراتیا
کێمتر ژ ١٠٠ مێتران قەدەغەیە و بکارئینانا مزگەفتان و کەنیسا و هەر پەرستەگەهەکێ
قەدەغەیە.
دبێژیت ژی، چ
فەرمانبەرێن دەولەتێ و هێزێن ئەولەهیێ نابیت دەستهەلاتا خۆ بۆ بانگەشەیێ بکاربئینت.
تەکەز ژی کر،
دەرکرنا فەرمانا دامەزراندنێ، پێدانا زەڤیان و دەرکرنا سوپاسنامەیان ل دەمێ
بانگەشەیێ ب بنپێکاری دهێتە دانان.
زەلال ژی کر،
نابیت بانگەشە بزاڤا توندوتیژیێ تێدا بیت، کەربێ و ناڤ زراندن ب بەربژێران قەدەغەیە.